आगामी लोकसभा निवडणुकीसाठी विरोधी पक्ष नेत्यांनी आतापासूनच तयारी सुरु केली आहे. आज देशाचे माजी उपपंतप्रधान चौधरी देवी लाल यांच्या 109 व्या जयंतीनिमित्त हरियाणामध्ये अनेक विरोधी पक्ष नेते एकवटले आहेत. आयएनएलडी पक्षाचे अध्यक्ष ओपी चौटाला यांच्या निमंत्रणावरून राष्ट्रवादीचे सर्वेसर्वा शरद पवार, बिहारचे मुख्यमंत्री नितीश कुमार, बिहारचे उपमुख्यमंत्री तेजस्वी यादव, एसएडीचे नेते सुखबीर बादल हरियाणामध्ये दाखल झाले आहेत. आयएनएलडीच्या ‘सन्मान दिन रॅली’मध्ये सहभागी होण्यासाठी हे नेते पोहोचले आहेत. जेडीयू नेते केसी त्यागी म्हणाले की, काँग्रेसचे आठ माजी मुख्यमंत्री भाजपमध्ये सामील झाले असताना बिहारचे मुख्यमंत्री दिल्ली सल्तनतला आव्हान देण्यासाठी पाटण्याहून आले आहेत. ते म्हणाले की कुमार यांना ईडी, आयकर आणि इतर एजन्सीची भीती नाही.
माजी उपपंतप्रधान आणि INLD संस्थापक देवी लाल यांच्या जयंतीनिमित्त ही रॅली आयोजित करण्यात आली आहे.बिहारचे उपमुख्यमंत्री आणि आरजेडी नेते तेजस्वी यादव आणि शिवसेनेचे अरविंद सावंत हे देखील विरोधी एकजुटीच्या प्रदर्शनात आयोजित रॅलीत सहभागी झाले होते. रॅलीला संबोधित करताना बिहारचे मुख्यमंत्री नितीश कुमार म्हणाले की, ओम प्रकाश चौटाला यांना फसवून त्यांना तुरुंगात पाठवण्यात आले. त्यांनीच आम्हाला भाजप सोडण्यास सांगितले, आम्ही त्यांचे म्हणणे ऐकले. गेल्या निवडणुकीत आमच्या उमेदवाराचा पराभव करण्यात त्यांचा सहभाग होता. मला मुख्यमंत्री व्हायचे नव्हते, ते (भाजप) आश्वासन ७ दिल्याप्रमाणे काम करत नव्हते. नितीश कुमार म्हणाले की, बिहारमध्ये पक्ष एकत्र आले आहेत. २०२४ मध्ये भाजपा जिंकू शकत नाही.
यादरम्यान तेजस्वी यादव यांनीही आपल्या भाषणात भाजपवर जोरदार निशाणा साधला. तेजस्वी यादव म्हणाले की, ”आजचा दिवस सन्मान दिन म्हणून साजरा केला जात आहे. आज आपण खुर्चीवर बसलो आहोत, यामध्ये चौधरी देवी लाल यांचे मोठे योगदान आहे. आमच्या वडिलांची तब्येत ठीक नाही, अन्यथा तेही या कार्यक्रमत उपस्थित असते. चौधरी देवीलाल यांनी शेतकऱ्यांना एकत्र केलं, समाजवाद्यांना मजबूत केलं असे तेजस्वी यादव यांनी म्हटले.
हे ही वाचा:
भाजपाचे अनेकजण काँग्रेसच्या संपर्कात ; नाना पटोले
