पालक चाट हा सर्वांना आवडतो . आणि संध्याकाळच्या चहासाठी एक उत्तम नाश्ता आहे . तसेच पालक ही एक हिरवीगार पालेभाजी आहे आणि पालक आरोग्यासाठी खूप उत्तम आहे . पालक बाजारात सहजपणे उपलब्ध असते . तसेच पालकापासून आपण वेगवेगळे पदार्थ देखील बनवू शकतो . पालकापासून पालक डाळ , पालक चाट , पालक भाजी असे देखील पदार्थ बनवता येतात .
पालक चाट बनवण्यासाठी साहित्य –
– १ कप बेसन
– ७ ते ८ पालक पाने
– ४ चमचे दही
– २ चमचे कांदा (चिरलेला)
– २ चमचे टोमॅटो (चिरलेला)
– १ हिरवी मिरची
– २ टीस्पून चिंचेची चटणी
– २ टीस्पून पुदिन्याची चटणी
– १ टीस्पून बुंदी
– १ टीस्पून डाळिंबाचे दाणे
– १ टीस्पून शेव
– १/२ टीस्पून ओवा
– चिमूटभर काळे मीठ
– चिमूटभर जिरे
– चिमूटभर लाल तिखट
– चिमूटभर हळद
– १ टीस्पून मीठ
– २ कप पाणी
पालक चाट बनवण्याची कृती –
एका बाऊल मध्ये एक वाटी बेसन घ्या आणि त्यात मीठ, ओवा आणि पाणी घालून घ्या . आणि ते ,हसरं चांगले ढवळून घ्या . आवश्यक असल्यास आणखी पाणी घाला. त्यामध्ये हळद घालून पुन्हा मिक्स करा. पालकची पाने चांगले भिजवून घ्या. भिजवून घेतल्यानंतर त्यावर बेसनाचे मिश्रण लावून घ्या . तळण्यासाठी पॅनमध्ये ठेवा. तळलेली, कुरकुरीत पालकाची पाने एका प्लेटवर घ्या आणि त्यावर थोडे दही घाला. सर्व मसाले आणि चटण्या घ्या आणि त्यांच्याबरोबर डिश सजवा. त्यावर मसाले घाला, कांदा , टोमॅटो, हिरवी मिरची, चिंचेची चटणी आणि पुदिन्याची चटणी घालून घ्या.
हे ही वाचा:
उरलेल्या भातापासून बनवा हॉटेल सारखा फ्राईड राईस
लहानमुलांसाठी स्पेशल चहा सोबत बटाटे चिप्स
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.
