सत्तासंघर्षानंतर राज्यात पहिल्यांदा शिवसेनेच्या दोन गटातील दसरा मेळावा होणार आहे. दसरा मेळाव्याला जास्तीत जास्त गर्दी व्हावी यासाठी दोन्ही गटाकडून प्रयत्न सुरू आहेत. दरम्यान, शिंदे-ठाकरे गटाने दसरा मेळाव्यासाठी टीझर प्रसिद्ध केले आहेत. शहरात बॅनरबाजी करण्यात आली आहे. त्यात मातोश्रीबाहेर लावलेल्या एका बॅनरनं सगळ्यांचे लक्ष वेधले. दसरा मेळाव्याची परंपरा कायम राहावी यासाठी राष्ट्रवादीकडून बॅनर्स लावण्यात आले आहे. त्यावरुन, आता भाजप आणि राष्ट्रवादीमध्ये आरोप प्रत्यारोप सुरू झाले आहेत. राष्ट्रवादीचे प्रवक्ते महेश तपासे यांनी भाजपवर गंभीर आरोप केले आहेत. शिंदे गटाच्या मेळाव्यासाठी दिल्लीतून पैसा येतोय, असे तपासे यांनी म्हटले आहे.
हेही वाचा :
Dasara Melava : शरद पवारांनी शिंदे आणि ठाकरेंचे कां टोचले
आरोप करणारे करत असतात, आता आम्हीही बातमी वाचली की शिंदे गटाच्या बीकेसी मैदानातील मेळाव्याला महाराष्ट्रात ३ हजार बसेस येत आहेत. मग, या खर्चांसाठी कोण स्पॉन्सर्स करत आहे. भाजपच या गटाला पैसा पुरवत आहे, दिल्लीतून पैसा येतोय. दोन महिनेच झालेत यांना, अजून यांचा पक्ष नाही, संघटनेची नोंद नाही, अधिकृत मान्यता नाही. तरीही अशा पद्धतीने पैसा खर्च केला जातोय, तो कोठून येतो, असे म्हणत भाजपकडूनच शिंदे गटाला रसद पुरवली जात असल्याचा आरोप राष्ट्रवादीचे प्रवक्ते महेश तपासे यांनी केला आहे.
खरी शिवसेना कोणाची?
राष्ट्रवादीचे प्रवक्ते महेश तपासे म्हणाले की, दसऱ्याच्या दिवशी दोन्ही गटांकडून दोन मेळावे घेण्यात येत आहेत. मात्र, खरी शिवसेना पक्षाचे संस्थापक दिवंगत बाळासाहेब ठाकरे यांच्या विचारांवर चालते, जी उद्धव ठाकरेंची शिवसेना आहे. यंदा दोन दसरा मेळावा होणार आहेत, एक परंपरा, निष्ठा, स्वाभिमान आणि बाळा ठाकरेंच्या विचारांचा म्हणजेच उद्धव ठाकरेंचा मेळावा. बाळ ठाकरेंचे विचार असलेली तीच खरी शिवसेना आहे. असे महेश तपासे यांनी म्हटले.
आज खरी शिवसेना कोणाची? हा प्रश्न जरी निवडणूक आयोगासमोर प्रलंबित असला तरी राष्ट्रवादी काँग्रेसच्या दृष्टिकोनातून माननीय उद्धवजी ठाकरे साहेबांच्या नेतृत्वाखालील शिवसेनाच बाळासाहेबांच्या विचारांवर चालणारी खरी #शिवसेना आहे.
— Mahesh Bharat Tapase महेश भारत तपासे (@maheshtapase) October 3, 2022
१०८MP कॅमेरा आणि ६GB RAM सह Moto G72 झाला भारतात लॉन्च, जाणून घ्या किंमत आणि वैशिष्ट्ये
