जगातील सर्वात वेगाने वाढणारी अर्थव्यवस्था म्हणून उदयास आलेल्या भारतासाठी धक्कादायक बातमी समोर आली आहे. वास्तविक, जागतिक बँकेने भारताच्या वाढीचा अंदाज १ टक्क्यांनी कमी केला आहे. याआधी आर्थिक वर्ष २०२२/२३ साठी ७.५ टक्के वाढीचा अंदाज वर्तवण्यात आला होता, परंतु आता जागतिक बँकेने म्हटले आहे की भारत ६.५ टक्के दराने विकास करेल.
रॉयटर्सच्या वृत्तानुसार, जागतिक बँकेने गुरुवारी भारताच्या वाढीचा अंदाज सुधारला आणि तो कमी केला. हे २०२२/२३ या आर्थिक वर्षासाठी ६.५ पर्यंत कमी करण्यात आले आहे. अहवालात कपातीचे कारण देताना असे म्हटले आहे की रशिया-युक्रेन युद्ध आणि जागतिक अर्थव्यवस्स्थेतील बदलामुळे भारतीय आर्थिक दृष्टीकोन प्रभावित होईल.
दक्षिण आशियावरील जागतिक बँकेच्या अहवालात म्हटले आहे की या अनिश्चिततेच्या काळात खाजगी गुंतवणूक कमी होण्याची शक्यता आहे. जागतिक मागणीत घट झाल्यामुळे देशाच्या निर्यातीवरही परिणाम होईल, असे त्यात म्हटले आहे.
आंतरराष्ट्रीय नाणेनिधी (IMF) आणि जागतिक बँकेच्या वार्षिक बैठकीपूर्वी जारी केलेल्या अहवालात आंतरराष्ट्रीय परिस्थितीचा दाखला देत बँकेने म्हटले आहे की, भारत उर्वरित जगाच्या तुलनेत मजबूत आहे. विशेष म्हणजे गेल्या आर्थिक वर्षात भारताचा विकास दर ८.७ टक्के होता.
अहवालात जागतिक बँकेचे मुख्य अर्थशास्त्रज्ञ हंस टिमर यांनी म्हटले आहे की, इतर देशांच्या तुलनेत मजबूत वाढ असूनही, आम्ही चालू आर्थिक वर्षाचा अंदाज कमी केला आहे, कारण भारत आणि इतर सर्व देशांसाठी आंतरराष्ट्रीय परिस्थिती अधिकच बिकट होत चालली आहे. अशा परिस्थितीत, कॅलेंडर वर्षाचा दुसरा अर्धा भाग अनेक देशांसाठी कमकुवत आहे आणि भारतातही तुलनेने कमकुवत असेल.
अहवालात भारताचे कौतुक करताना…
मुख्य अर्थशास्त्रज्ञ हंस टिमर यांनी अहवालात भारताचे कौतुक करताना म्हटले आहे की, दक्षिण आशियातील इतर देशांच्या तुलनेत भारतीय अर्थव्यवस्थेने चांगली कामगिरी केली आहे. कोरोनातून सावरण्याचा देशाचा वेगही वेगवान आहे. ते म्हणाले की, भारतीय अर्थव्यवस्थेने विशेषतः सेवा क्षेत्रात चांगली कामगिरी केली आहे.
हे ही वाचा:
अमेरिकेतील लॉस एंजेलिसमध्ये भारतीय कुटुंबातील ४ जणांच्या अपहरणाचा व्हिडिओ आला समोर
सोशल मीडियावर व्हायरल होतायत आलियाच्या डोहाळ जेवणाचे फोटो; पाहिलेत का तुम्ही?
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.
