Happy Birthday Salman Khan : बॉलिवूडचा भाईजान अशी ओळख असणाऱ्या सलमान खाानचा (Salman Khan) आज ५७ वा वाढदिवस आहे. सलमान खानच्या वाढदिवसाच्या सेलिब्रेशनला अनेक सेलिब्रिटींनी हजेरी लावली. पण काही सेलिब्रिटी सलमानच्या बर्थ-डे सेलिब्रेशनला हजर झाल्यानं अनेकांच्या भुवया उंचावल्या. सलमानच्या बर्थ-डे सेलिब्रेशनला शहरुख खान, अभिनेत्री संगीता बिजलानी (Sangeeta Bijlani) यांसारख्या अनेक सेलिब्रिटींनी हजेरी लावली. तसेच सलमान खानच्या कुटुंबातील काही सदस्य देखील बर्थ-डे सेलिब्रेशनमध्ये सामील झाले.
सलमान खानसोबत संगीता बिजलानी या अभिनेत्रीचं नाव जोडलं जातं. संगीता ही सलमानची एक्स गर्लफ्रेंड आहे, असंही म्हटलं जातं. सलमानच्या ५७ व्या वाढदिवसाच्या पार्टीला संगीतानं ब्लु ग्लिटर ड्रेस, सिल्वर इअरिंग्स अशा लूकमध्ये हजेरी लावली. तर सलमान हा त्याच्या बर्थ-डे पार्टीला ऑल इन ब्लॅक अशा लूकमध्ये दिसला. या बर्थ-डे पार्टीमधील संगीता आणि सलमानचे फोटो सोशल मीडियावर व्हायरल झाले. या व्हायरल फोटोमधील या दोघांच्या केमिस्ट्रीनं अनेकांचे लक्ष वेधलं. या फोटोंमध्ये तुम्ही पाहू शकता की, सलमान खान त्याची एक्स गर्लफ्रेंड संगीता बिजलानीला कारपर्यंत बाहेर सोडण्यासाठी आला आहे. यादरम्यान सलमान संगीताला मिठी मारताना आणि कपाळावर चुंबन घेताना स्पष्ट दिसत आहे. या ताज्या छायाचित्रांवरून आता सलमान खान आणि संगीता बिजलानी पुन्हा एकमेकांच्या प्रेमात पडले आहेत का, असा अंदाज लावला जात आहे. कदाचित भाईजान पुन्हा संगीताच्या प्रेमात पडला असेल अशी चर्चा सर्वत्र रंगली आहे. रिपोर्टनुसार, सलमान आणि संगीता हे जवळपास १० वर्ष एकमेकांना डेट करत होते. सलमानच्या बर्थ-डे सेलिब्रेशनचे फोटो आणि व्हिडीओ सध्या सोशल मीडियावर व्हायरल होत आहेत.
View this post on Instagram
सलमान खानने आयोजित केलेल्या पार्टीत शाहरुख खान, अरबाज खान, सोहेल खान, अर्पिता खान, आयुष शर्मा, अतुल अग्निहोत्री, तब्बू, संगीता बिजलानी, सोनाक्षी सिन्हा, सिद्धांत चतुर्वेदी, कार्तिक आर्यन, जिनिलिया देशमुख, रितेश देशमुख, पुलकित सम्राट, कृती खरबंदा, पूजा हेगडे अशी सिनेसृष्टीतील अनेक मंडळी उपस्थित होती. वाढदिवसाच्या पार्टीत सलमान खान ब्लॅक लूकमध्ये दिसून आला. सलमानच्या वाढदिवसाचे फोटो सध्या सोशल मीडियावर व्हायरल होत आहेत. भाईजानने वाढदिवसाचा केक कट करत चाहत्यांचे आभार मानले आहेत. चाहते, मित्र आणि सेलिब्रिटींच्या उपस्थितीत सलमानने केक कट केला आहे.
View this post on Instagram
सलमान खानचे अनेक सिनेमे बॉक्स ऑफिसवर यशस्वी ठरले आहेत. टायगर जिंदा है, बजरंगी भाईजान आणि सुलतान या त्याच्या सिनेमांनी बॉक्स ऑफिसवर रेकॉर्डब्रेक कमाई केली आहे. गेली अनेक दशके तो प्रेक्षकांचं मनोरंजन करत आहे. सोशल मीडियावर तो चांगलाच अँक्टिव्ह आहे. त्याचा चाहतावर्गही मोठा आहे. सलमान खानच्या आगामी चित्रपटांची प्रेक्षक उत्सुकतेने वाट बघत आहेत. त्याच्या ‘टायगर 3’ (Tiger 3) या सिनेमाची रिलीज डेट समोर आली आहे. आधी हा सिनेमा २३ एप्रिल २०२३ रोजी प्रदर्शित होणार होता. पण आता या सिनेमाची रिलीज डेट बदलण्यात आली आहे. हा सिनेमा येत्या वर्षात दिवाळीत प्रेक्षकांच्या भेटीला येणार आहे. तसेच आणखी दोन सिनेमांची तो लवकरच घोषणा करणार आहे.
हे ही वाचा:
Happy Birthday Salman Khan बॉलिवुडच्या दबंग स्टारने ५७ व्या वर्षी केक कट करत मानले चाहत्यांचे आभार