बॉलिवूडचा प्रसिद्ध गायक अरिजित सिंगचा कोलकाता येथे होणारा कॉन्सर्ट रद्द करण्यात आला आहे. कोलकाता येथील इको पार्क येथे हा कॉन्सर्ट होणार होता. त्याचवेळी लाइव्ह कॉन्सर्ट रद्द करण्यामागे राजकीय कारणे सांगितली जात आहेत. यावरून भाजप आणि टीएमसीमध्ये वाद सुरू झाला आहे. कोलकाता इंटरनॅशनल फिल्म फेस्टिव्हलमध्ये ‘गेरुआ’ हे गाणे गाण्यासाठी गायकाला हीच किंमत मोजावी लागली, असा भाजपचा दावा आहे. मुख्यमंत्री ममता बॅनर्जी यांच्या विनंतीवरून कोलकाता आंतरराष्ट्रीय चित्रपट महोत्सवाच्या उद्घाटन समारंभात गायक अरिजित सिंगने ‘रंग दे तू मोहे गेरुआ’ हे लोकप्रिय गाणे गायले.
गायक अरिजित सिंगचा लाईव्ह शो फेब्रुवारीमध्ये होणार होता. कोलकात्याच्या इको पार्कमध्ये हा शो आयोजित करण्यात आला होता. इको पार्क हे कोलकात्यातील प्रमुख पर्यटन स्थळांपैकी एक आहे. इकोपार्क हिडको समूहाच्या अंतर्गत येते. त्याचवेळी, कोलकातामध्ये या शोबाबत जोरदार चर्चा रंगली होती. सर्व सोशल साइट्सवर अरिजित सिंगच्या शोचे प्रमोशन सुरू होते. या शोला लाखोंच्या संख्येने चाहते उपस्थित राहतील अशी अपेक्षा होती. पण शेवटच्या क्षणी हा शो रद्द झाला.
भाजपच्या आयटी सेलचे प्रमुख अमित मालवीय यांनी याबाबत ट्विट केले आहे. अमित मालवीय यांनी केआयएफएफच्या उद्घाटनप्रसंगी ‘रंग दे तू मोहे गेरुआ’ या गाण्याच्या परफॉर्मन्समुळे अरिजित सिंगचा शो रद्द करण्यात आल्याचे म्हटले आहे. ट्विटमध्ये म्हटले आहे की, ‘बच्चन सर जेव्हा कोलकाता फिल्म फेस्टिव्हलमध्ये नागरी स्वातंत्र्य आणि अभिव्यक्ती स्वातंत्र्यासाठी जागा नसल्याबद्दल बोलले तेव्हा ते बरोबर होते.’
Sr Bachchan was on dot when he spoke about shrinking space for civil liberties and freedom of expression at the Kolkata Film Festival.
Arijit Singh who sang “Rang de tu mohe gerua”, with Mamata Banerjee on the dais now finds his show at EcoPark cancelled by HIDCO, a WB Govt body.— Amit Malviya (@amitmalviya) December 28, 2022
पश्चिम बंगाल भाजप युवा शाखेचे प्रदेशाध्यक्ष इंद्रनील खान यांनीही अरिजित सिंगचा इको पार्कमधील कार्यक्रम रद्द केल्याबद्दल टीएमसी सरकारवर टीका केली. खान म्हणाले, ‘इको पार्कमधील अरिजित सिंगचा शो पश्चिम बंगाल सरकारच्या हिडकोने का रद्द केला? KIFF मध्ये ‘महामहिम’ समोर ‘रंग दे तू मोहे गेरुआ’ गायल्याचे हेच परिणाम आहेत का ? ही राज्यातील असहिष्णुतेची कहाणी आहे.
शहरी विकास मंत्री आणि कोलकाताचे महापौर फिरहाद हकीम यांनी अरिजित सिंगचा शो रद्द करण्याबाबत भाजपचे आरोप फेटाळून लावले आहेत. फिरहाद हकीम हे स्वतः HIDCO चे चेअरमन आहेत. फिरहाद म्हणाले की, या कार्यक्रमाच्या आयोजकांनी संगीत महोत्सवासाठी हिडकोकडे औपचारिक अर्ज केला नाही. टीएमसी नेते फिरहाद हकीम म्हणाले, “आयोजकांनी स्थानिक पोलिसांना केवळ तोंडी माहिती दिली. हा शो नवीन वर्षाच्या सेलिब्रेशन दरम्यान होणार होता. त्याचप्रमाणे पुढील वर्षी G-20 शिखर परिषद होणार आहे. त्यामुळे पोलिसांनी आयोजकांना दुसरे ठिकाण शोधण्यास सांगितले आहे. यामागे कोणताही राजकीय हेतू नाही.
हे ही वाचा:
नवीन वर्षाचे स्वागत करण्यासाठी tick tock या दिनाचा रंजक इतिहास घ्या जाणून
New Year celebration वर्षाच्या शेवटी पुण्यातील प्रमुख रस्ते राहणार बंद