मकर संक्रांती हा सण हिंदू धर्मातील महत्वाच्या सणांपैकी एक सण आहे. त्याचबरोबर या दिवशी सर्वजण हे एकमेकांना तिळगुळ देऊन शुभेच्छा देत असतात. या वर्षी १५ जानेवारी २०२३ रोजी मकर संक्रांती साजरी केली जाणार आहे. आणि मुख्यतः या दिवशी सगळीकडे पतंग उडवण्याचा खेळ हा प्रामुख्याने खेळाला जातो.
मकर संक्रांती या सणाच्या दिवशी मुख्यतः पतंग उडवण्याची स्पर्धा ठेवली जाते. या स्पर्धेत भाग घेणारे स्पर्धक हे मांज्याच्या साहाय्याने पतंगाला नियंत्रित करतात आणि मांज्याच्याच साहाय्याने विरोधी स्पर्धकांचे पतंग कापून त्याला पराभूत करण्याचा प्रयत्न करतात.
आता महत्वाचं म्हणजे मांजा म्हणजे नेमकं काय? असा प्रश्न तुम्हाला पडला असेल. मांजा हा नियमित पतंग आणि लढाऊ पतंगांसाठी वापरल्या जाणार्‍या काचेच्या पावडरने लेपित पतंगाच्या धाग्याला म्हटलं जात.
मकर संक्रांतीच्या पतंग उडवण्याच्या स्पर्धांमध्ये भाग घेण्यासाठी याचा मोठ्या प्रमाणावर वापर केला जातो. पतंगाचा धागा अपघर्षक, गोंदलेला आणि रंगीत बनविला जातो. माज्याचे काही प्रकार आहेत. त्याला ‘कॉर्ड’ असे म्हणतात.
कॉर्ड म्हणजे पतंगाच्या स्पर्धेत वापरल्या जाणाऱ्या धाग्याची मजबूती वाढवण्यासाठी गरजेनुसार एका धाग्यात लहान धागा एकत्र करून तयार केली जाते.
मांज्याच्या कॉर्डचे तीन प्रकार आहेत, ६ कॉर्ड , ९ कॉर्ड , १२ कॉर्ड हे तीन प्रकार आहेत. ६ कॉर्ड मांजा : एका धाग्यात ६ लहान धागे एकत्र करून तयार केला जातो. हे लहान पतंग उडवण्यासाठी वापरले जाते.
९ कॉर्ड मांजा : एका धाग्यात ९ लहान धागे एकत्र करून तयार केला जातो. याचा वापर मोठे पतंगासाठी केला जातो. १२ कॉर्ड मांजा ” १२ लहान धागे एकाच धाग्यात एकत्र करून तयार केला जातो. हा सर्वात मजबूत मांजा मानला जातो.
