Ved Marathi Movie : अभिनेता रितेश देशमुख (Ritesh Deshmukh) आणि अभिनेत्री जिनिलीया देशमुखच्या (Genelia Deshmukh) ‘वेड’ (Ved) चित्रपटाने बॉक्स ऑफिसवर धुमाकूळ घातला आहे. या चित्रपटामार्फत रितेशने दिगदर्शनामध्ये पाऊल टाकले आहे तर जिनिलियाने मराठी सिनेसृष्टीत पदार्पण केले आहे. या सेलिब्रिटी कपलने प्रेक्षकांच्या मनावर अधिराज्य गाजवलं आहे. ३० डिसेंबर २०२२ रोजी हा चित्रपट प्रदर्शित झाला होता. या चित्रपटाचा आता तिसरा आठवडा सुरु आहे तरी देखील प्रेक्षकांचा प्रतिसाद हा मोठ्या प्रमाणत मिळत आहे. ‘वेड’ या चित्रपटाने बॉक्स ऑफिसवर चांगलाच धुमाकूळ घातला आहे. पहिल्या दिवसापासूनच प्रेक्षकांनी या चित्रपटाला डोक्यावर घेतलं आणि आता तिसऱ्या आठवड्यातही या चित्रपटाची घोडदौड सुरूच आहे. परंतु वेड संदर्भात प्रेक्षकांनी एक अनोखी तक्रार केली आहे.
View this post on Instagram
‘वेड’ या चित्रपटाला मिळालेल्या भरघोस यशानंतर आता रितेश देशमुखकडे (Riteish Deshmukh) चाहत्यांनी एक तक्रार केली होती. ‘वेड’ तर हिट झाला, सत्या आणि श्रावणीची जोडीही आवडली परंतु या संपूर्ण चित्रपटात या दोघांवर एकही रोमॅंटिक सॉंग नाहीए असं लोकं म्हणत आहेत. म्हणूनच अभिनेता रितेश देशमुख हा आता चाहत्यांना आणखी एक सरप्राईज देणार आहे. त्यामुळे आता हॅपिली एव्हर आफ्टरनंतर सत्या आणि श्रावणीचं गाणं लवकरच चाहत्यांच्या भेटीला येणार आहे. यासंदर्भात रितेशने एक व्हिडिओ शेअर करत ही संपूर्ण माहिती दिली आहे. रितेशने शेअर केलेल्या व्हिडिओमध्ये तो आणि सहकलाकार शुभंकर तावडे एकमेकांसोबत गप्पा मारत असतात. तेव्हा शुभंकर रितेशला म्हणतो, ‘सिनेमा तर हिट झाला पण सत्या आणि श्रावणीचं पुढे काय झालं ?’ यावर रितेश म्हणतो , ‘काय झालं हॅपिली एव्हर आफ्टर. यावर शुभंकर सांगतो, लोकं पण वेडे आहेत.लोकं म्हणताएत सत्या आणि श्रावणीचं असं काही रोमॅंटिक गाणंच नाहीए. आता गाणं कर.’ शुभंकरच्या या बोलण्यावर रितेशही विचारात पडतो. त्यालाही पटतं सत्या आणि श्रावणीचं एक रोमॅंटिक गाणं असायलाच पाहिजे. त्यामुयले आता रितेश जिनिलियाचं रोमॅंटिक गाणं हे लवकरच चाहत्यांच्या भेटीस येणार आहे. लोकांच्या आग्रहास्तव सत्या आणि श्रावणीची प्रेमककहाणी गाण्यात दिसणार आहे.
सर्वाधिक कमाई करणाऱ्या सिनेमांच्या यादीत नागराज मंजुळेंचा ‘सैराट’ हा सिनेमा पहिल्या क्रमांकावर होता. या सिनेमाने १२. १० कोटींची कमाई केली होती. आता ‘वेड’ या सिनेमाने हा रेकॉर्ड ब्रेक केला आहे. परवा शनिवारपर्यंत ‘वेड’ या चित्रपटाने एकूण ४४.९२ कोटींचा गल्ला जमवला होता. काल रविवारी ‘वेड’ने मोठी झेप घेतली. दिवसेंदिवस या सिनेमाच्या कमाईचा आलेख हा वाढत चालला आहे. रिलीजच्या तिसऱ्या आठवड्यातही या सिनेमाची क्रेझ चाहत्यांमध्ये कायम आहे.
रितेश देशमुखने वेड या मराठी चित्रपटातून दिग्दर्शनात पदार्पण केले आहे. या चित्रपटातून जेनेलिया देशमुख मराठी सिनेइंडस्ट्रीत पदार्पण केलं आहे. तसेच बऱ्याच वर्षानंतर ती रितेशसोबत रुपेरी पडद्यावर काम करताना दिसली आहे. या चित्रपटाला प्रसिद्ध संगीतकार अजय अतुल यांचे संगीत लाभले आहे. गाणी अजय-अतुल, गुरु ठाकूर यांनी लिहिली आहेत. या चित्रपटात अशोक सराफ रितेशने साकारलेल्या पात्राच्या वडिलांच्या भूमिकेत दिसणार आहे. रितेश-जेनेलियासोबत विद्याधर जोशी, शुभंकर तावडे, जिया शंकर हे कलाकार चित्रपटात दिसले आहेत.
हे ही वाचा :
Ved चित्रपटाचे यश पाहून चाहत्यांनी दिला रितेश देशमुखला ‘हा’ सल्ला