यंदाच्या वर्षी ६ मार्च रोजी होळी हा सण आहे. होळी आली कि कोकणवासियांना त्यांच्या गावी म्हणजेच कोकणात जाण्याची ओढ लागते. अनेक चाकरमानी हे होळीसाठी कोकणात जात असतात. म्हणूनच यांच्या वर्षी मध्ये रेल्वेकडून होळीनिमित्ताने गावी जाणाऱ्या कोकणवासियांसाठी तब्बल १२ अतिरिक्त होळी स्पेशल ट्रेन चालवण्यात येणार आहे. होळी सणासाठी प्रवाश्यांची मोठ्या प्रमाणात गर्दी हि होत असते. हि गर्दी लक्षात घेऊन मध्य रेल्वेने हा निर्णय घेतला आहे. मध्य रेल्वे छत्रपती शिवाजी महाराज टर्मिनस / पनवेल आणि सावंतवाडी रोड / रत्नागिरी दरम्यान अतिरिक्त विशेष गाड्या चालवणार आहे. तसेच तुम्हाला जर या रेल्वेने प्रवास करायचा असेल तर सर्व संगणकीकृत आरक्षण केंद्रांवर आणि www.irctc.co.in या संकेतस्थळावर या विशेष गाड्यांचे बुकिंग सुरू आहे. अधिक माहितीसाठी कृपया www.enquiry.indianrail.gov.in ला भेट द्या किंवा NTES अॅप डाउनलोड करावे असे आवाहन मध्य रेल्वेने केले आहे.
1. छत्रपती शिवाजी महाराज टर्मिनस – रत्नागिरी विशेष (3 सेवा)
- 01151 विशेष गाडी छत्रपती शिवाजी महाराज टर्मिनस येथून 7 मार्च 2023 रोजी रात्री 00.30 वाजता सुटेल आणि रत्नागिरी येथे त्याच दिवशी 09.00 वाजता पोहोचणार आहे.
- 01152 विशेष रत्नागिरी येथून दि. 6 मार्च 2023 रोजी 06.30 वाजता सुटेल आणि छत्रपती शिवाजी महाराज टर्मिनस येथे त्याच दिवशी 13.50 वाजता पोहोचेल.
ही गाडी दादर, ठाणे, पनवेल, रोहा, माणगाव, वीर, खेड, चिपळूण, सावर्डा, अरावली रोड आणि संगमेश्वर रोड या स्थानकांवर थांबणार आहे.
2. पनवेल – रत्नागिरी विशेष (4 सेवा)
- 01153 विशेष गाडी दि. 5 मार्च 2023 आणि 8.3.2023 रोजी पनवेल येथून 18.20 वाजता सुटेल आणि रत्नागिरी येथे दुसऱ्या दिवशी 00.20 वाजता पोहोचेल.
- 01154 विशेष गाडी रत्नागिरी येथून दि. 4 मार्च 2023 आणि 7.3.2023 रोजी सकाळी 10.00 वाजता सुटेल आणि पनवेल येथे त्याच दिवशी 16.20 वाजता पोहोचेल.
ही गाडी रोहा, माणगाव, वीर, खेड, चिपळूण, सावर्डा, अरावली रोड आणि संगमेश्वर रोड या स्थानकांवर थांबणार आहेत.
3. पनवेल – सावंतवाडी रोड विशेष (4 सेवा)
- 01155 विशेष गाडी पनवेल येथून दि. 4 मार्च 2023 आणि 7 मार्च 2023 रोजी 18.20 वाजता सुटेल आणि दुसऱ्या दिवशी 04.10 वाजता सावंतवाडी रोड येथे पोहोचेल.
- 01156 विशेष गाडी सावंतवाडी रोड येथून दि. 5 मार्च 2023 आणि 8.3.2023 रोजी 07.45 वाजता सुटेल आणि त्याच दिवशी 17.20 वाजता पनवेल येथे पोहोचेल.
ही विशेष ट्रेन रोहा, माणगाव, वीर, खेड, चिपळूण, सावर्डा, अरावली रोड, संगमेश्वर रोड, रत्नागिरी, अडावली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग आणि कुडाळ या स्थानकांवर थांबणार आहे.
4. रत्नागिरी- लोकमान्य टिळक टर्मिनस वन वे विशेष –
- 01158 स्पेशल रत्नागिरी येथून 9 मार्च 2023 रोजी 06.30 वाजता सुटेल आणि त्याच दिवशी 13.30 वाजता लोकमान्य टिळक टर्मिनस येथे पोहोचेल.
ही एक्स्प्रेस संगमेश्वर रोड, अरावली रोड, सावर्डा, चिपळूण, खेड, वीर, माणगाव, रोहा, पनवेल आणि ठाणे या स्थानकांवर थांबणार आहे.
या सर्व विशेष एक्स्प्रेसमध्ये 18 शयनयान, 2 सामान्य द्वितीय श्रेणीसह गार्ड ब्रेक व्हॅन असणार आहेत.
हे ही वाचा :
मोठी बातमी ! मनसे नेते संदीप देशपांडेवर मॉर्निंग वॉकवेळी हल्ला, जाणून घ्या हेल्थ अपडेट
Women’s Premier League, पहिला सलामी सामना मुंबई इंडियन्स विरुद्ध गुजरात जायंट्स
ठामपाच्यावतीने गरजू महिलांसाठी ‘धर्मवीर आनंद दिघे स्वयंरोजगार योजना’ सुरू करावी शिवसेनेची मागणी
