केंद्रीय अर्थमंत्री निर्मला सीतारमण या लोकसभेत आज (२३ जुलै) रोजी आर्थिक वर्ष २०२४-२५ साठीचा अतिरिक्त अर्थसंकल्प सादर करतील. मोदींच्या तिसऱ्या कार्यकाळात हा पहिलाच अर्थसंकल्प आहे. २०१४ साली पंतप्रधान नरेंद्र मोदी सत्तेवर आल्यापासून त्यांचा हा १३ वा अर्थसंकल्प आहे. तर अर्थमंत्री निर्मला सीतारमण या आज सातव्यांदा अर्थसंकल्प सादर करत आहेत. संसदेत अर्थसंकल्प सादर होतानाच आणखी एका गोष्टींकडे नेटकऱ्यांचं लक्ष वेधलं जातं ते म्हणजे केंद्रीय अर्थमंत्री निर्मला सीतारमण यांच्या साड्या. प्रत्येक बजेटच्या दिवशी त्यांच्या साडीची विशेष चर्चा होत असते. आतापर्यंत त्यांनी बजेट सादर करताना कोणकोणत्या साडया नेसल्या ते पाहुयात.