सध्या तिरुपती बालाजी मंदिरातील प्रसाद आणि लाडूंमध्ये भेसळीचा मुद्दा चांगलाच चर्चेत आहे. भक्तांमध्ये वाटण्यात येणाऱ्या प्रसादात तुपाऐवजी डुक्कराची चरबी, गोमांसाची गोळी आदींचा वापर केल्याचे एका अहवालात आढळून आले आहे. तिरुपती बालाजी मंदिर हे भारतातील सर्वात चमत्कारी मंदिरांपैकी एक मानले जाते. तिरुमाला किंवा तिरुपती बालाजीचे जगप्रसिद्ध मंदिर आंध्र प्रदेशातील चित्तूर जिल्ह्यातील तिरुपतीजवळ तिरुमला टेकडीवर आहे, जिथे भगवान श्री हरी विष्णूच्या श्री व्यंकटेश्वर रूपाची पूजा केली जाते. दरवर्षी लाखो भाविक तिरुपती बालाजी मंदिरात पैसे दान करण्यासाठी येतात त्यामुळे या मंदिराला सर्वात श्रीमंत मंदिरांपैकी एक म्हटले जाते. तिरुपती बालाजी मंदिरातही भाविक केस दान करतात अशी श्रद्धा आहे. मात्र उघडकीस झालेल्या या प्रकारामुळे राजकारण मात्र तापलं आहे.
तिरुपती बालाजी मंदिराच्या प्रसादावरून आंध्र प्रदेशात राजकारण तापले आहे. हि घटना उघडकीस झाल्यापासून देशात खळबळ उडाली आहे. याप्रकरणी केंद्रीय आरोग्य मंत्री जेपी नड्डा यांनी मोठे वक्तव्य केले आहे. तिरुपती प्रसादम वादावर ते म्हणाले, “आजच मी चंद्राबाबू नायडू यांच्याशी बोललो आहे. मी त्यांच्याकडून अहवाल मागवला आहे.” तिरुपती प्रसादम वादावर ते म्हणाले, “मी चंद्राबाबू नायडू यांच्याशी आज या विषयावर बोललो आहे. मी त्यांना सांगितले आहे की तुमच्याकडे असलेले अहवाल पाठवा. आम्ही त्यांची चौकशी करू. FSSAI त्याची चौकशी करेल. आम्ही राज्य सरकार कडून अहवाल प्राप्त होण्याची प्रतीक्षा करत आहे. मोदी सरकारला १०० दिवस पूर्ण झाल्याबद्दल आपल्या मंत्रालयाच्या कामकाजाची माहिती देताना त्यांनी हे वक्तव्य केले आहे.
आपल्या मंत्रालयाच्या कामकाजाची माहिती देताना ते म्हणाले, “आपल्या देशात लसीकरण सेवा पूर्णपणे डिजिटल करण्यात येत आहेत. आईच्या गर्भधारणेपासून ते प्रसूतीपर्यंत आणि मूल १७ वर्षांचे झाल्यावर आम्ही त्यांचे लसीकरण पूर्ण करतो, हे केले जाते. केंद्र सरकारच्या आरोग्य आणि कुटुंब कल्याण मंत्रालयाने हे सर्व ट्रॅक करण्यासाठी U-WIN पोर्टल तयार केले आहे, ते ११ प्रादेशिक भाषांमध्ये काम करेल. ते पुढे म्हणाले, “आम्ही ड्रोन सेवा देखील सुरू केली आहे, ते नमुने, वैद्यकीय पुरवठा आणि अहवाल लवकर आणण्यासाठी उपयुक्त ठरेल, अवघड भागात ते एकत्रित करण्याचा विचार आहे. त्याची रेंज २५ किलोमीटर असेल. ते एम्समध्ये असेल. बावीनगर, गुवाहाटी, भुवनेश्वर, भोपाळ, जोधपूर, पटना, बिलासपूर, रायबरेली, रायपूर, गोरखपूर, पुद्दुचेरी आणि इम्फाळमध्ये ऑपरेशन केले जात आहे, त्याचप्रमाणे भीष्म क्यूब हे आपत्कालीन जीवन वाचवणारे क्लिनिक केअरसाठी सुरू करण्यात आले आहे दररोज १० – १५ शस्त्रक्रिया, पंतप्रधान जेव्हा युक्रेनला गेले तेव्हा त्यांनी त्यांना ४ भीष्म क्यूब्स दिले आणि आता ते आमच्या ५० आरोग्य युनिट्समध्ये तैनात केले गेले आहेत, ते आपत्ती व्यवस्थापनासाठी आहे.
हे ही वाचा:
Follow Us
