तुनिषा शर्मा आत्महत्या प्रकरणी शीझान खानच्या कुटुंबीयांनी पत्रकार परिषद घेतली. यावेळी कुटुंबीयांनी वनिता शर्मावर केलेले सर्व आरोप खोटे आणि निराधार असल्याचे सांगितले, तसेच शीजनच्या बहिणींनी तुनिषाच्या आईवर अनेक गंभीर आरोप केले. शीजानच्या कुटुंबीयांनी मीडियाला सांगितले की, तुनिषाची आई तिच्या मुलीवर काम करण्यासाठी दबाव आणत असे आणि अनेकवेळा तुनिषा या गोष्टीमुळे नाराजही व्हायची. शीजानच्या बहिणींनी सांगितले की, तुनिशा तिच्या खूप जवळची होती आणि ती अनेकदा तिच्या सर्व गोष्टी शीजनच्या कुटुंबाला सांगायची. इतकंच नाही तर वनिताला आपल्या मुलाने आत्महत्या करावी असंही शीजनच्या आईने सांगितलं. आता दरम्यान, सोशल मीडियावर तुनिषाची एक व्हॉईस नोट प्रचंड व्हायरल होत आहे, ज्यात तुनीषा शिझानच्या आईला रडत आपल्या मनातली गोष्ट सांगत आहे.
व्हॉइस नोटमध्ये काय म्हणाली होती तुनिषा शर्मा?
तुनिषाने या व्हॉईस नोटमध्ये म्हटले की, “अम्मा तुम्ही माझ्यासाठी खूप काही आहात. तुम्ही माझ्यासाठी किती महत्त्वाच्या आहात हे तुम्हालाही माहित नसेल. म्हणूनच तुमच्याबरोबर प्रत्येक गोष्ट शेअर करावी असे वाटते. पण मला स्वतःलाच काय होत आहे हे मलाच ठाऊक नाही,” असे तुनिषा म्हणाली होती.
View this post on Instagram
तुनिषाची ही व्हॉईस नोट सध्या सोशल मीडियावर व्हायरल होत आहे. तर दुसरीकडे शिझानच्या कुटुंबीयांनी तुनिषाच्या आईवर तिच्या मुलीला फिरण्याची इच्छा असताना काम करण्यास भाग पाडल्याचा आरोप केला आहे. शिझानची बहीण म्हणाली, “आत्महत्येआधी तुनिषा आणि माझे बोलणे झाले होते. आवाजावरुन ती आनंदी वाटत होती. नाताळची दोन दिवसांची सुटी तिला चंदीगडला साजरी करायची होती. सुटी मिळवण्यासाठी तिने प्रोडक्शन हाऊसला विनंती करण्यास मला सांगितले होते. प्रोडक्शन हाऊसकडून तिला सुटी मिळत नव्हती. तुनिषाच्या आईने जबरदस्तीने दोन म्युझिक व्हिडिओ साइन केले होते. मी तिचे तिकीट बुक केले होते. तिच्या सुटीसाठी प्रोडक्शन हाऊसला विनंती करत होते.”
तुनिषा शर्माने २४ डिसेंबर रोजी अली बाबा-दास्तानच्या काबुलच्या सेटवर शीझान खानच्या मेकअपमध्ये आत्महत्या केली होती . या प्रकरणी पोलिसांनी तुनिषाचा सहकलाकार शीजान खान याला अटक केली असून अलीकडेच न्यायालयाने शीजानला १४ दिवसांची न्यायालयीन कोठडी सुनावली आहे. विशेष म्हणजे, तुनिषाच्या आईने शीजनवर अभिनेत्रीला आत्महत्या करण्यास प्रवृत्त केल्याचा आणि तिची फसवणूक केल्याचा आरोप केला होता, त्यानंतर पोलिसांनी अभिनेत्याला अटक केली होती.
हे ही वाचा:
एसआयटी चौकशी करा किंवा कोणतीही यंत्रणा बसवा…,एकनाथ खडसेंची चंद्रकांत पाटलांना प्रतिउत्तर
“तुम्ही ड्रायव्हर घेऊ शकता”, कार अपघातानंतर कपिल देव यांचा ऋषभ पंतला संदेश
