बहुप्रतिक्षित ‘सालार’ चित्रपट सध्या सर्वत्र चर्चेत आहे.या चित्रपटाने पहिल्याच दिवशी बॉक्स ऑफिसवर दमदार कमाई केली आहे.शुक्रवार, २२ डिसेंबर रोजी रिलीज झालेल्या या चित्रपटाने बॉक्स ऑफिसचे आधीच्या सर्व सिनेमांचे रेकॉर्ड मोडीत काढले आहेत. प्रशांत नील दिग्दर्शित ‘सालार’ हा २०२३ मधील सर्वात मोठा ओपनिंग चित्रपट ठरला आहे. तर देशातील टॉप-१० सर्वात मोठ्या ओपनिंग झालेल्या सिनेमाच्या यादीत तो चौथ्या क्रमांकावर आला आहे. या यादीत १० पैकी ४ चित्रपट प्रभासचे आहेत. २०२३ मध्ये आतापर्यंतच्या सर्वात मोठ्या ओपनिंगचा रेकॉर्ड शाहरुख खानच्या ‘जवान’च्या नावावर होता, जो आता मोडला गेला आहे. इतकेच नाही तर गेल्या दोन आठवड्यांपासून सतत चर्चेत असलेल्या डंकी या सिनेमाला सालार चित्रपटाने मागे टाकले आहे.दरम्यान ता या दोन्ही चित्रपटासाठी बॉक्स ऑफिसवर जुगलबंदी पाहयला मिळणार आहे.दरम्यान शाहरुख खानच्या डंकी चित्रपटाची हवा चित्रपट प्रदर्शित होण्याआधीच सुरु होती.तरी प्रभासचा सालार चित्रपट भाव खाऊन गेला असं म्हणायला हरकत नाही.
गेले काही दिवस सतत ‘अ‍ॅनिमल’सिनेमातील हत्या आणि विध्वंस पाहून सोशल मीडिया गदारोळ माजला होता, पण आता त्याहून जास्त प्रतिसाद प्रभासच्या सिनेमाला मिळत आहे. राजकुमार हिरानी यांनी दिग्दर्शित केलेला डंकी ‘सालार’समोर टिकणार नाही हे अॅडव्हान्स बुकिंगमध्येच स्पष्ट झाले होते. डंकीने रिलीजपूर्वी १५.४१ कोटी रुपयांची अॅडव्हान्स बुकिंग केली होती, तर ‘सालार’ची अॅडव्हान्स बुकिंग कमी शो असूनही ४८.९४ कोटी रुपये झाली. मात्र, नंतर चित्रपटाची मागणी पाहता ‘सालार’चे शो आणि स्क्रीन काउंट आता वाढले आहे. सॅक्निल च्या अहवालानुसार, ‘सालार’ ने पहिल्या दिवशी देशात ९५.०० कोटी रुपयांचे कलेक्शन केले आहे. हे सुरुवातीचे आकडे आहेत. ‘सालार’ आता देशभरात ६००० हून अधिक स्क्रीनवर दाखवला जात आहे. शुक्रवारनंतर आता ‘सालार’ शनिवारीही बंपर कमाई करणार आहे. दुसऱ्या दिवशीही १९ कोटी रुपयांचे अॅडव्हान्स बुकिंग झाले आहे.
शुक्रवारी सालारच्या मॉर्निंग शोमध्येही १०० पैकी ८८ जागांवर प्रेक्षक दिसले. तर रात्रीच्या शोमध्ये प्रेक्षकांची संख्या ९३% पर्यंत वाढली आहे. ‘सालार’चे बजेट २७० कोटी रुपये आहे.’सालार’ हा एक हाय अॅक्शन चित्रपट आहे. यात प्रभाससोबत पृथ्वीराज सुकुमारन, जगपती बाबू आणि श्रुती हसन यांच्याही भूमिका आहेत. हा चित्रपट एका काल्पनिक शहराची कथा आहे, जिथे सत्तेसाठी संघर्ष होतो. हा सिनेमा केजीएफशी संबंधित असल्याचे बोलले जात होते मात्र प्रशांत नीलने प्रामाणिकपणे कबूल केले आहे की हा चित्रपट त्यांच्या २०१४ मध्ये रिलीज झालेल्या ‘उग्रामम’ च्या कथेपासून प्रेरित आहे.
‘सालार’ रिलीज होताच डंकीला बॉक्स ऑफिसवर फटका बसला आहे. ‘पठाण’ आणि ‘जवान’ नंतर, शाहरुखची २०२३ मध्ये ब्लॉकबस्टरची हॅटट्रिक हुकली. डंकीने गुरुवारी पहिल्या दिवशी २९.५० कोटी रुपयांची कमाई केली होती, तर शुक्रवारी त्याची कमाई २०.५० कोटींवर घसरली आहे. देशात आतापर्यंत सर्वाधिक ओपनिंग डे कमाईचा विक्रम एसएस राजामौली यांच्या आरआरआरच्या नावावर आहे. पहिल्या दिवशी या चित्रपटाने भारतीय बॉक्स ऑफिसवर १३३ कोटी रुपये आणि जगभरात २२३ कोटी रुपयांची कमाई केली. दुसऱ्या क्रमांकावर प्रभासचा ‘बाहुबली २’ आहे, ज्याने देशात १२१ कोटी रुपये आणि जगभरात २१७ कोटी रुपये कमवले. तिसऱ्या स्थानावर प्रशांत नील आणि यशचा KGF२ आहे, या सिनेमाने पहिल्या दिवशी भारतात ११६ कोटी रुपये आणि जगभरात १५९ कोटी रुपयांचा व्यवसाय केला.
आता या चित्रपटात ‘सालार’ ९५ कोटींची कमाई करत चौथ्या क्रमांकावर दाखल झाला आहे. म्हणजेच टॉप-४ मध्ये प्रभासचे दोन आणि प्रशांत नीलचे २ चित्रपट आहेत. तर एसएस राजामौली यांचेही २ चित्रपट आहेत. पण शाहरुखचा ‘पठाण’ टॉप-१० च्या यादीतून काढून टाकण्यात आला आहे.आता प्रभासचा सालार आणि शाहरुख खानचा डंकी या दोन्ही चित्रपटांसाठी बॉक्स ऑफिसवर काटे की टक्कर पाहायला मिळणार आहे.
हे ही वाचा:
Lok Sabha Election – येणाऱ्या निवडणुकीला घेऊन मविआचा काय असणार फॉर्म्युला ?
POLITICS: सभेसाठी शाळांना सुट्ट्या जाहीर करण्याचे कारण काय? CHHAGAN BHUJBAL यांचा सवाल
