अभिनेता सिद्धार्थ चांदेकर आणि अभिनेत्री सायली संजीव यांचा आगामी‘ओले ओले’ हा सिनेमा लवकरच प्रेक्षकांच्या भेटीला येणार आहे.या सिनेमात आपल्याला तगडी स्टरकास्ट पाहायला मिळणार आहे.आता या सिनेमातील पहिलं गाणं प्रेक्षकांच्या भेटीला आलं आहे. ‘फुलपाखरू’ असे या गाण्याचे नाव आहे.सायली संजीव आणि सिद्धार्थ चांदेकरचं हे हृदयाला भिडणारं गाणं आहे.
‘सांग ना मनाला माझ्या कसं सावरू’ म्हणणारी चुलबुली सायली संजीव आणि मराठी चित्रपटसृष्टीतला चॉकलेट बॉय सिद्धार्थ चांदेकर यांची गोड जोडी सध्या सर्वत्र चर्चेत आहे. निसर्गाच्या कुशीत मनमुराद आनंद लुटत, एका सुंदर प्रवासात सायली आणि सिद्धार्थ प्रेमात पडताना दिसत आहेत. काय बरं नेमकं चाललं असेल?
‘ओले आले’ या आगामी सिनेमात सायली आणि सिद्धार्थ ही युथफुल जोडी आपल्याला मोठ्या पडद्यावर दिसणार आहे. दोन विरुद्ध स्वभावधर्माच्या तरीही एकमेकांच्या प्रेमात असणाऱ्या या जोडीचा धम्माल प्रवास प्रेक्षकांना 5 जानेवारी 2024 पासून सिनेमागृहात पाहायला मिळणार आहे.
‘एक अशा प्रवासाची गोष्ट, ज्याने शिकवले जीवन जगण्याचे सूत्र!’ अशी टॅगलाईन असलेल्या या सिनेमाच्या माध्यमातून अभिनेते नाना पाटेकर आपल्या भेटीला येणार आहेत. संपूर्ण परिवारासाठी निखळ मनोरंजन हा या चित्रपटाचा गाभा असून नानांसोबत मकरंद अनासपुरे सायली संजीव आणि सिद्धार्थ चांदेकर या कलाकारांच्या अभिनयाची जुगलबंदी आपल्याला पाहायला मिळेल.
बॉलीवूडमधील प्रसिद्ध संगीतकार जोडी सचिन-जिगर यांच्या संगीताची जादू आता मराठीतही ऐकायला मिळणार असून ‘ओले आले’ या मराठी चित्रपटाद्वारा ते प्रथमच मराठी प्रेक्षकांच्या मनावर गरुड घालायला सज्ज आहेत. मंदार चोळकर यांनी लिहिलेल्या या गाण्याला रोहित राऊत यांचा स्वरसाज लाभला आहे. ‘ओले आले’चं मोशन पोस्टर प्रदर्शित झाल्यापासून प्रेक्षक या सिनेमाची आतुरतेने वाट पाहत आहेत.
हे ही वाचा:
Nagpur मध्ये लग्न समारंभ आटोपून परत जाताना झाला भीषण अपघात, सहा जणांचा दुर्दैवी मृत्यू
