अभिनेते जॅकलिन फर्नांडिस आणि नोरा फतेही यांची कथित गुन्हेगार सुकेश चंद्रशेखर विरुद्ध अंमलबजावणी संचालनालयाने दाखल केलेल्या मनी लाँड्रिंग प्रकरणात चौकशी करण्यात आली आहे. नोराने आता जॅकलिनच्या विरोधात मानहानीचा खटला दाखल केला आहे आणि दावा केला आहे की “तिच्या स्वतःच्या हितासाठी तिची कारकीर्द नष्ट करणे” या हेतूने “दुर्भावनापूर्ण कारणास्तव” तिच्याविरुद्ध “अपमानकारक आरोप केले” आहेत.
जॅकलिन फर्नांडिस हिचे वकिल प्रशांत पाटील म्हणाले की, माझ्या क्लाइंटने कधीच नोरा फतेही हिच्यावर सार्वजनिकपणे टीका किंवा कोणते आरोप केले नाहीत. इतकेच नाहीतर ईडी कारवाईवर कधीच माझ्या क्लाइंटने भाष्य केले नाही. नोरा फतेहीने कोणत्याही कारवाईच्या अगोदरच प्रकरणाची प्रत लीक केली आहे, ज्यामुळे तिच्यावर कारवाई देखील केली जाऊ शकते. यामुळे आम्ही पण नोरा फतेही विरोधात मानहानीची केस दाखल करू शकतो, असे प्रशांत पाटील म्हणाले आहेत. नोरा फतेही हिचा काहीतरी गैरसमज झाल्याचे देखील प्रशांत पाटील म्हणाले आहेत. नोरा फतेही याचिकेत म्हटले आहे की, सुकेश चंद्रशेखरचा आणि माझा काहीच संबंध नाही, तरीपण या प्रकरणात सातत्याने माझे नाव जोडले जात आहे.
वकिलाने पुढे स्पष्ट केले की, कोणाचाही जबाब उद्धृत करणे, न्यायिक प्राधिकरणासमोर दाखल करणे, ही निव्वळ न्यायिक कार्यवाहीची बाब आहे. त्यामुळे न्यायालयीन कामकाजा दरम्यान, युक्तिवाद करताना केलेले कोणतेही विधान सार्वजनिक क्षेत्रात सांगितले जाऊ शकत नाही. नोराची बदनामी करण्याचा जॅकलिनचा कोणताही हेतू नाही आणि कोर्टात खेचल्यास कायदेशीर उत्तर देईल, असे त्याने ठामपणे सांगितले. वर्क फ्रंटवर, नोराला अखेरचे आयुष्मान खुरानाच्या नुकत्याच प्रदर्शित झालेल्या अॅक्शन हिरो चित्रपटात जेहदा नशा हे विशेष गाणे करताना दिसली होती. दुसरीकडे जॅकलीन नुकतीच अक्षय कुमारसोबत राम सेतूमध्ये दिसली होती. ती आता तिचा पुढचा चित्रपट सर्कसच्या रिलीजसाठी तयारी करत आहे, ज्यामध्ये ती रणवीर सिंगसोबत आहे. करंट लगा या गाण्यात अभिनेत्री दीपिका पदुकोणचा कॅमिओ असलेला सर्कस , रोहित शेट्टी दिग्दर्शित आहे आणि २८ डिसेंबर रोजी थिएटरमध्ये प्रदर्शित होणार आहे.
हे ही वाचा :
राजीनामा देण्यासाठी उदयनराजे दिल्लीला गेले असतील?,असा सवाल सुषमा अंधारेंनी उपस्थित केला
Avtar 2 : दिग्दर्शक जेम्स कॅमरुन तब्बल १३ वर्ष करत होता एकाच सिनेमावर काम
प्रकाश अंबेडकर मुख्यमंत्री एकनाथ शिंदेंच्या भेटीला