व्हिक्टर मुखर्जी दिग्दर्शित ‘लकडबग्घा’ या चित्रपटाचा ट्रेलर रिलीज झाला आहे. यात अंशुमन झा, रिद्धी डोगरा, मिलिंद सोमण आणि परेश पाहुजा यांच्या प्रमुख भूमिका आहेत. १३ जानेवारी २०२३ रोजी चित्रपटगृहांमध्ये प्रदर्शित होणाऱ्या या चित्रपटात कुत्र्यांच्या तस्करीवर लक्ष केंद्रित करण्यात आले आहे. यासोबतच सर्वांना धोकादायक वाटणारा प्राणी ‘हायना’ याचादेखील चित्रपटात चांगला वापर करण्यात आला आहे.
‘लकडबग्घा’मध्ये अंशुमन झा याला मुक्या प्राण्यांसाठी विशेषत: कुत्र्यांसाठी काहीतरी करायचे आहे, असे दाखवण्यात आले आहे. म्हणूनच तो लहानपणापासून मार्शल आर्ट शिकतो. मिलिंद सोमण अंशुमनच्या वडिलांच्या भूमिकेत आहे. मिलिंद सोमण या चित्रपटात एका खंबीर वडिलांची भूमिका साकारताना दिसणार आहेत, जे कोणत्याही परिस्थितीत आपल्या मुलाच्या पाठीशी उभे राहतील. अंशुमन रस्त्यावरील कुत्र्यांना खायला घालतो. त्यांची काळजी घेतो आणि त्यांना कोणी त्रास दिला तर ते त्याचा बदलाही घेतो. तो स्वत: मार्शल आर्टमध्ये निपुण आहे आणि इतर मुलांना देखील तो मार्शल आर्टचे प्रशिक्षण देतो जेणेकरुन त्यांनाही येणाऱ्या अडचणींचा खंबीरपणे सामना करता येईल.
चित्रपटाची कथा अशी असेल
अंशुमन आणि मिलिंद सोमण अभिनीत, कथा एका प्राणी प्रेमीभोवती फिरते जो प्राण्यांना दुखावणार्‍या लोकांना मारहाण करताना आणि अवैध प्राणी व्यापार उद्योग उघड करण्यासाठी संघर्ष करताना दिसतो. या चित्रपटात मिलिंद सोमण एका मार्शल आर्ट ट्रेनरच्या भूमिकेत असून अंशुमन त्याचा मुलगा अर्जुनच्या भूमिकेत दिसणार आहे आणि काजोल, रिद्धी डोगरा एका विशेष पोलीस अधिकाऱ्याच्या भूमिकेत दिसणार आहे.
व्हिक्टर मुखर्जी दिग्दर्शित हा सामाजिक संदेश देणारा चित्रपट लकडबाघा १३ जानेवारी २०२३ रोजी अर्जुन कपूरच्या मोस्ट अवेटेड चित्रपट कुट्टेसोबत थिएटरमध्ये टक्कर होणार आहे. आता हे पाहणे रंजक ठरेल की चाहते लकडबग्गावर प्रेमाचा वर्षाव करतात की मल्टीस्टारर डॉग पाहण्यास प्राधान्य देतात.
हे ही वाचा:
कपिल देव यांचं मोठं विधान, रोहित शर्मा आणि विराट कोहली एकटे विश्वचषक जिंकणार नाहीत