अभिनेत्री ममता कुल्कर्णीवर (Mamta Kulkarni ) अमली पदार्थाच्या तस्करी करण्याचा गुन्हा २०१६ साली दाखल करण्यात आला आहे. त्यानंतर बरीच वर्ष हा खटला न्यायालयात सुरु होता. पण अलीकडेच अभिनेत्री ममता कुलकर्णीने तिच्यावर असलेला अमली पदार्थाच्या तस्करी करण्याचा गुन्हा रद्द करण्यासाठी मुंबई उच्च न्यायालयात (Bombay High Court) धाव घेतली होती. पण चार वर्ष जुन्या केसचे कागदपत्र गहाळ झाले असल्याची माहिती मुंबई उच्च न्यायालयाला खटला सुरु असताना देण्यात आली होती. त्यामुळे अनेकवेळा सुनावणी पुढेही ढकलण्यात आली. पण आता मुंबई उच्च न्यायालयाने या प्रकरणा संदर्भातील कागदपत्रे पुन्हा तयार करण्याचे आदेश पोलिसांना दिले आहेत.
सहा वर्षांपूर्वी अभिनेत्री ममता कुल्कर्णीवर (Mamta Kulkarni ) अमली पदार्थाच्या तस्करी करण्याचा गुन्हा ठाणे पोलिसांकडून दाखल करण्यात आला होता . एप्रिल २०१६ मध्ये ठाणे पोलिसांना चौकशी दरम्यान दोन गाड्यांमध्ये अमली पदार्थ आढळली होती. त्यावेळेस पोलिसांनी चालक आणि त्याच्या सहकारी साथीदाराला ताब्यात घेतले नंतर चौकशी दरम्यान अजून १० जण या तस्करीत शामिल असल्याचे उघड झाले. पोलिसांनी दिलेल्या माहितीनुसार या आरोपीं पैके एका आरोपीने सांगितले की त्यांनी मोम्बासा येथील एका हॉटेलमध्ये या तस्करीसाठी बैठक घेतली होती. त्या बैठकीत अभिनेत्री ममता कुल्कर्णीही उपस्थित होती. त्या आरोपीच्या विधानाची पोलिसांनी नोंद केली आणि ममता कुलकर्णीला अटक केली होती. त्यानंतर ममता कुलकर्णींवर न्यायालयीन खटला सुरुआहे .
ममता कुलकर्णीने अलीकडेच मुंबई उच्च न्यायालयात (Bombay High Court) त्यांच्यावर असलेलय तस्करीचा गुन्हा रद्द करण्याची याचिका दाखल केली आहे. अभिनेत्री ममता कुलकर्णीने उच्चन्यायालयातील याचिकेत असे नमूद केले आहे की तिच्यावरील आरोप “केवळ सहआरोपींच्या विधानावर आधारित आहेत” आणि “कोणत्याही स्वरूपाचे कोणतेही पुरावे नाहीत.” पण तिच्यावर गेली अनेक वर्ष सुरु असलेल्या याचिकेची कागद पत्रे गहाळ झाली आहेत. त्यामुळे दोन वेळा उच्च न्यायालयाने तिची याचिका रद्द केली आहे. पण यावर ‘पोलिसांनी सर्व पक्षकारांच्या मदतीने पुन्हा कागदपत्र तयार करून पुढच्या सुनावणीला न्यायालयासमोर सादर करावेत.’ उच्च न्यायालयाने असे आदेश पोलिसांना जरी केले आहेत.
हे ही वाचा :
Sumeet Pusavale बाळूमामा ‘फेम’ सुमित पुसावळे अडकले लग्न बंधनात, पहा लग्नाचे फोटो