बॉलिवूडचे गोड जोडपे अभिनेता सिद्धार्थ मल्होत्रा आणि अभिनेत्री कियारा अडवाणी सध्या खूप चर्चेत आहेत. अलीकडेच हे जोडपे मुंबईत एकत्र आऊटिंगला जाताना दिसले. दरम्यान, चित्रपटसृष्टीत आणखी एका जोडप्याच्या लग्नाच्या सनईची धूम सुरू झाली आहे. कियारा आणि सिद्धार्थ लवकरच त्यांच्या नात्याला नाव देण्याच्या तयारीत असल्याचे वृत्त समोर येत आहे. दोघेही लवकरच लग्न करू शकतात. अखेर प्रतीक्षा संपली आणि सिद्धार्थ मल्होत्रा आणि कियारा अडवाणी यांच्या लग्नाची तारीखही समोर आली आहे.
शेरशाह या चित्रपटातील सिद्धार्थ आणि कियारा यांची जोडी प्रेक्षकांना चांगलीच आवडली होती. दोघांची प्रेमकहाणीही या चित्रपटापासून सुरू झाली. सिड आणि कियारा दोघेही बऱ्याच दिवसांपासून एकमेकांना डेट करत आहेत. दोघांनीही ही गोष्ट कधीच जाहीरपणे स्वीकारली नसली तरी सोशल मीडियावर हे जोडपे एकमेकांवरचे प्रेम व्यक्त करताना दिसत असते. मात्र, आता अशी बातमी आहे की सिद्धार्थ आणि कियारा पुढच्या वर्षी २०२३ मध्ये लग्नाच्या तयारीत आहेत. एप्रिल महिन्यातच दोघे लग्न करणार आहेत. बॉलिवूडलाइफच्या सूत्रांच्या हवाल्याने ही खास बातमी देण्यात आली आहे.
सिद्धार्थ कियारा वेडिंग फंक्शन्सबद्दल बोलायचे तर, हे फॅमिली फंक्शन असेल असे समोर येत आहे. लग्नाला बॉलिवूडमधील कमी लोकांना आमंत्रित केले जाईल. सिद्धार्थचे कुटुंबीय आणि नातेवाईकांसोबत लग्नाचे बहुतांश कार्यक्रम दिल्लीत होणार आहेत. कियारा आणि सिडचे आधी नोंदणीकृत लग्न होईल आणि त्यानंतर रिसेप्श. रिसेप्शननंतर ते कॉकटेल पार्टी करू शकतील, परंतु रिसेप्शन पार्टीसाठी बॉलिवूडमधील कोणत्या सेलिब्रिटीला आमंत्रित केले जाईल हे अद्याप ठरलेले नाही. कियारा आणि सिडच्या लग्नाचे सर्व फंक्शन दिल्लीत होणार आहेत.
सिद्धार्थ आणि कियारा जवळपास तीन वर्षांपासून रिलेशनशिपमध्ये आहेत. शेरशाहच्या चाहत्यांच्या या सुपरहिट जोडप्याच्या लग्नाबाबत उत्सुकता वाढली आहे. याशिवाय करण जोहरच्या चॅट शो कॉफी विथ करण सीझन ७ मध्येही सिद्धार्थने कियारासोबतच्या नात्याबद्दल मौन सोडले. काहीही लपून राहणार नाही, लवकरच लग्न करण्याचा विचार आहे, असे तो म्हणाला होता. करण जोहरच्या शोमध्ये, सिद्धार्थने खुलासा केला होता की तो कियाराशी लग्न करण्याचा विचार करत आहे आणि कियारा सिंगल आहे याचा त्याला आनंद आहे. यापूर्वी कियाराने मीडियासमोर सांगितले आहे की ती सिडसोबत लग्न करण्यास तयार आहे.
हे ही वाचा:
Mili Teaser: जाह्नवी कपूरच्या ‘मिली’चा टीझर पाहिलात?
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.