या वर्षातील मोस्ट अवेटेड चित्रपटांपैकी एक, ‘रॉकी और रानी की प्रेम कहानी’ रिलीज होण्याची प्रेक्षक आतुरतेने वाट पाहत आहे. मात्र, आलिया भट्ट आणि रणवीर सिंग स्टारर चित्रपटासाठी प्रेक्षकांना आणखी प्रतीक्षा करावी लागणार आहे. हे आम्ही नाही तर आज करण जोहरने शेअर केलेली पोस्ट सांगत आहे. ही पोस्ट पाहून चित्रपटाचे प्रदर्शन पुढे ढकलण्यात आल्याचे स्पष्ट झाले आहे. आता ‘रॉकी आणि राणीची प्रेमकथा’ एप्रिलऐवजी जुलै महिन्यात चित्रपटगृहात दाखल होणार आहे.
करण जोहरची घोषणा
करण जोहरने आज त्याच्या इंस्टाग्राम हँडलवर चित्रपटाचे पोस्टर शेअर करून ‘रॉकी और रानी की प्रेम कहानी’ची नवीन रिलीज डेट जाहीर केली आहे. पोस्टर शेअर करताना करण जोहरने लिहिले की, ‘प्रत्येकजण म्हणतो की संयमाचे फळ गोड असते, त्यामुळे या खास कथेची गोडी वाढवण्यासाठी आम्ही खूप प्रेम घेऊन येत आहोत! रॉकी आणि राणीची कुटुंबे तयार होत आहेत आणि आता पहा प्रेमाची ही अनोखी कहाणी! २८ जुलै २०२३ रोजी सिनेमागृहात रॉकी आणि राणीची प्रेमकथा दाखल होणार आहे.
करण जोहरला ‘PS 2’शी स्पर्धा करायची नाही का?
‘रॉकी और रानी की प्रेम कहानी’च्या रिलीज डेटमध्ये बदल करण्यामागचे कारण अद्याप समोर आलेले नाही. पण करण जोहरने दिग्गज दिग्दर्शक मणिरत्नमच्या ‘पोनियिन सेल्वन २’ या चित्रपटाशी बॉक्स ऑफिसवर टक्कर टाळण्यासाठी असे केले असावे, अशी चर्चा सर्वत्र होत आहे. तर ‘PS 2’ मध्ये ऐश्वर्या राय बच्चन, चियान विक्रम, कार्ती, त्रिशा कृष्णन, जयम रवी, सरथकुमार, प्रभु लाल, किशोर, अश्विन आणि ऐश्वर्या लक्ष्मी यांच्या प्रमुख भूमिका आहेत. आणि ‘रॉकी आणि रानी की प्रेम कहानी’मध्ये रणवीर सिंग, आलिया भट्ट, शबाना आझमी, धर्मेंद्र आणि जया बच्चन यांच्या प्रमुख भूमिका आहेत.
हे ही वाचा:
दिनेश कार्तिक बॉर्डर-गावस्कर ट्रॉफी सामन्यात डेब्यूसाठी तयार, ट्विट करत स्वतःच दिली माहिती
जनतेच्या मतांचा कल व मताधिक्य बघितले तर महाराष्ट्र ‘मविआ’च्या पाठीमागे ठाम उभा आहे, जयंत पाटील