डिसेंबर संपत आला आहे. लोक नवीन वर्षाची आतुरतेने वाट पाहत आहेत. नवीन वर्षाच्या संदर्भात लोकांमध्ये एक वेगळाच उत्साह आहे. लोक हा दिवस आपापल्या पद्धतीने साजरा करतात. ३१ डिसेंबरच्या रात्रीपासून सुरू होणारा नवीन वर्षाचा उत्सव पुढील एक-दोन दिवस चालतो. जगभरातील बहुतेक लोक ३१ डिसेंबरच्या रात्रीच नवीन वर्ष साजरे करतात. पण, तुम्हाला माहीत आहे का की तुम्ही भारतात ३१ डिसेंबरला मध्यरात्री १२ वाजता नवीन वर्ष साजरे करत असाल, तेव्हा जगातील अनेक लोकांनी तुमच्या काही तास आधी नवीन वर्ष साजरे केले असेल? चला जाणून घेऊया कोणते देश भारतापूर्वी नवीन वर्ष साजरे करतील आणि त्या देशांबद्दल देखील जाणून घेऊया जे नंतर नवीन वर्ष साजरे करतील…
आपल्या देशाबद्दल बोलायचे झाले तर ३१ डिसेंबरच्या मध्यरात्री १२ नंतर येथे नवीन वर्षाचा उत्सव सुरू होईल. भारताच्या वेळेनुसार आपल्या देशात ३१ डिसेंबरला संध्याकाळी ३.३० वाजले की नवीन वर्षाची सुरुवात होईल. भारतीय वेळेनुसार दुपारी साडेचार वाजता न्यूझीलंड, ऑस्ट्रेलिया आणि रशियाच्या काही भागात नवीन वर्षाचे स्वागत केले जाईल. दक्षिण कोरिया आणि जपानमध्ये ३१ डिसेंबरच्या रात्री ८:३० वाजता नवीन वर्ष सुरू होईल. चीनमध्ये ३१ डिसेंबर रोजी रात्री ९:३० वाजता (भारतीय वेळेनुसार) नवीन वर्षाचा उत्सव सुरू होईल.
भारताच्या शेजारी देशाबाबत बोलायचे झाले तर बांगलादेशात नववर्षाचे सेलिब्रेशन भारताच्या आधी साजरे केले जाईल. ३१ डिसेंबर रोजी रात्री ११.३० वाजता येथे उत्सव सुरू होईल. नेपाळमध्ये रात्री ११.४५ वाजता नवीन वर्ष सुरू होईल. जर आपण पाकिस्तानबद्दल बोललो, तर भारतापासून अर्ध्या तासानंतर म्हणजे १२:३० वाजता येथे नवीन वर्ष साजरे केले जाईल. आशियामध्ये, नवीन वर्ष इराण, इराक आणि तुर्कीमध्ये शेवटी साजरे केले जाईल.
हे ही वाचा:
Happy New Year ‘या’ देशात नव्या वर्षाचं जल्लोषात स्वागत
