लिची (Litchi) हे एक लहान, रसाळ आणि गोड फळ आहे. बाहेरील कवच गुलाबी रंगाचे तर आतील गर मात्र पांढरे रसाळ, मधुर व अर्धपारदर्शी असते. मे महिना ते ऑक्टोबर महिन्या दरम्यान लिची बाजारात मुबलक प्रमाणात असते. लिचीमध्ये व्हिटॅमिन सी, व्हिटॅमिन बी ६, पोटॅशियम, मॅग्नेशियम, फॉस्फरस, कॉपर हे पोषक घटक आढळतात. जे आपले शरीर थंड ठेवण्यास मदत करतात. लिची हे फळ पोषणदृष्ट्या समृद्ध आहे आणि विविध आरोग्यदायी लाभ देणारे फळ आहे. लिची खाण्याचे अनेक फायदे आहेत. हे फायदे काय आहेत हे थोडक्यात जाणून घेवूयात.
- लिची हा पाण्याचा स्रोत मनाला जातो. त्यामुळे उन्हाळ्यात याचे सेवन केल्याने डिहायड्रेशन टाळता येते.
- लिचीमुळे आपली रोगप्रतिकारकशक्ती देखील मजबूत होते. लिचीमधील जीवनसत्व सी मुळे रोगप्रतिकारक शक्ती वाढते. हे जीवनसत्व शरीराच्या विविध भागांमधील संक्रमणाचा मुकाबला करण्यास मदत करते.
- लिचीमध्ये असणारे अँटिऑक्सिडंट या गुणधर्मामुळे त्वचेच्या आरोग्यासाठी फायदेशीर ठरते. हे अँटिऑक्सिडंट त्वचेच्या पेशींना ताजेतवाने ठेवतात आणि वृद्धत्वाच्या खुणा कमी करतात.
- तुम्हाला तुमचे हृदय निरोगी ठेवायचे असेल तर तुम्ही लिचीची सेवन केले पाहिजे. लिचीमध्ये असणारे पोटॅशियम आणि अँटिऑक्सिडंट या घटकांमुळे रक्तदाब नियंत्रणास राहण्यास मदत होते. हृदयाशी संबंधित असणारे आजार टाळता येतील.
- लिचीच्या बियांमध्ये ऑलिगोनॉल असते, जे वजन नियंत्रित ठेवण्यासाठी फायदेशीर ठरू शकते.
- लिची खाल्ल्याने शरीरात ऊर्जा वाढते. याच्या सेवनाने कॅलरीजचे रूपांतर ऊर्जेत होते. त्यामुळे शरीरात ऊर्जेचा प्रवाह वाढतो आणि तुम्हाला उत्साही वाटते.
- लिचीमध्ये मोठ्या प्रमाणात फायबर असते. जे पचन सुधारण्यास खूप मदत करते. यामुळे बद्धकोष्टता, ऍसिडिटी आणि गॅस यांसारख्या समस्या दूर होतात.
हे ही वाचा
Chatrapati Shahu Maharaj Jayanti: देशाला लाभलेल्या लोकशाहीवादी राजेंना जयंतीदिनी विनम्र अभिवादन !
आता Netflix पाहण्यासाठी तुम्हाला पैसे द्यावे लागणार नाहीत, कंपनी सुरु करू शकते मोफत सेवा
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.
