हिवाळ्यात पेरु खात असाल ,तर जाणुन घ्या पेरु खाण्याचे फायदे

हिवाळा सुरु होत आहे,काही ठिकाणी थंडीची हलकीशी चाहूल होत आहे.मात्र हिवाळ्यातली ती थंडी जरी हवीहवीशी वाटत असली तरी हिवाळ्यात आपल्या तब्येतीवर देखील काही खाण्या पिण्यामुळे परिणाम होत असतो.दरम्यान प्रत्येक ऋतुमध्ये कोणतेन कोणते फळ हे शरीरासाठी पौष्टिक असतात जे खाल्याने शरीरातील काही व्याधी कमी होतात.जस की हिवाळा हा पेरूचा हंगाम म्हणून ओळखला जातो. हिवाळ्यात लोकं मोठ्या आवडीने पेरू खातात.पेरू आपल्या आरोग्यासाठी अत्यंत फायदेशीर असून त्यातून अनेक पोषक घटक आपल्याला मिळतात. जर तुम्ही सध्या पेरू खात असाल तर त्याआधी पेरूचे फायदे जाणून घ्या.

वजन कमी करण्यास मदत करतात

पेरू वजन कमी करण्यासाठी अत्यंत फायदेशीर मानले जातात. एका लहान पेरूमध्ये भरपूर प्रमाणात प्रमाणात फायबर आणि मिनरल्स आणि फक्त ३० ते ६० कॅलरीज असतात. त्यामुळे ज्यांना सतत भूक लागते त्यांच्यासाठी पेरू हा चांगला पर्याय आहे.म्हणजेच पेरु खाल्याने आपण आपले वजन नियंत्रणात ठेवण्यास मदत होते.

मासिक पाळीदरम्यान वेदना दूर करतात

जर तुम्ही मासिक पाळीदरम्यान पेरू खात असाल तर तुम्हाला होणाऱ्या वेदना दूर होऊ शकतात.त्यामुळे मासिक पाळीदरम्यान पेरू नियमित खावेत.जेणे करुन मासिक पाळीमध्ये होणाऱ्या वेदना तुम्हाला सतवणार नाहीत.

रक्तातील साखरेची पातळी नियंत्रित ठेवतात

पेरूमध्ये भरपूर प्रमाणात फायबर असतात. यामुळे तुमच्या शरीरातील इन्सुलिनचे प्रमाण कमी होते ज्यामुळे तुमच्या रक्तातील साखरेची पातळी अचानक वाढत नाही आणि नियंत्रणात राहते.त्यामुळे डायबिटीस होण्याचे प्रमाण देखील कमी होते.

ह्रदयाचे आरोग्य चांगले राहते

पेरूमध्ये अँटीऑक्सिडंट्स, पोटॅशियम, आणि फायबर असतात यामुले आपल्या शरीरातील वाईट कोलेस्ट्रॉल कमी करण्यास मदत करतात ज्यामुळे आपले ह्रदयाचे आरोग्य सदृढ राहते आणि स्ट्रोकचा धोका कमी होतो.

बद्धकोष्ठतेचा त्रास कमी होतो

जर तुम्ही भरपूर पेरू खात असाल तर तुमचे आतड्यांचे आरोग्य चांगले राहते ज्यामुळे बद्धकोष्ठतेचा त्रास कमी होतो.पेरू खाताना चुकूनही पेरूचे पेय पिऊ नये. खूप जास्त प्रक्रिया करून पेरूचे पेय बनवले जाते आणि यामध्ये खूप जास्त साखरेचे प्रमाण असते जे आपल्या आरोग्यासाठी चांगले नाही.

दरम्यान पेरु खाण्याचे हे महत्तवाचे फायदे होत असतात,त्यामुळे या हिवाळ्यात पेरुचा आस्वाद नक्की घ्या.

हे ही वाचा:

EDUCATION: आता BIOLOGY विषय न घेता DOCTOR होता येणार

“काशीला जायच्या वयात.. ” डान्सच्या व्हिडिओवरुन ट्रोल करणाऱ्या नेटकऱ्यांना  ऐश्वर्या नारकरांनी दिलं सडेतोड उत्तर

Follow Us

टाईम महाराष्ट्रचे अपडेट्स मिळवण्यासाठी आम्हाला फॉलो करा.