तंबाखू सर्व प्रकारात धोकादायक आहे. तंबाखूच्या संपर्कात सुरक्षित पातळी आहे का? तर असं काहीही नाही. सिगारेट ओढणे हा तंबाखू सेवन करण्याचा सर्वात सामान्य मार्ग आहे. तसेच इतर प्रकारचे तंबाखूचे सेवन देखील केले जाते. यामध्ये धूरविरहित तंबाखूचा वापर केला जातो. यामध्ये ड्राय स्नफ, प्लग/ट्विस्ट, पान चघळणारा तंबाखू आणि विरघळणारी उत्पादनांचा समावेश होतो भारतामध्ये हे प्रकार व्यसनाधीन आणि सामान्य आहेत. यामुळे तोंडी पोकळी, घसा, अन्ननलिका, पोट, फुफ्फुस आणि मूत्र प्रणालीच्या कर्करोगाचे प्रमाण वाढवतात. पण . फुप्फुसाच्या कॅन्सरचे ५० % रुग्ण धूम्रपान न करणारे असून, त्यापैकी ७०% रुग्ण हे ५० वर्षांखालील आहेत, असे या संशोधनामध्ये आढळले आहे.
हेही वाचा :
पाश्चिमात्य देशांमध्ये बहुतांश प्रकरणात फुफ्फुसाचा कॅन्सर ६० वर्षांवरील लोकांमध्ये असल्याची नोंद आढळते. मात्र भारतात फुफ्फुसाच्या कॅन्सरची घटना / रुग्ण २ दशकांपूर्वी म्हणजे २० वर्षांपूर्वी आढळून आला होता, असे काही वैज्ञानिक डॉक्टरांचे म्हणणे आहे. फुफ्फुसाच्या कॅन्सरच्या एकूण रुग्णांपैकी सुमारे १० टक्के रुग्णांचे वय ४० वर्षांपेक्षा कमी होते. धूम्रपान करणारे आणि धूम्रपान न करणाऱ्या लोकांमधील फुफ्फुसाचा कॅन्सर हा जवळपास सारखाच आहे, याचा सर्वात जास्त परिणाम तरुण स्त्रियांवर होतो.
फुफ्फुसाच्या कर्करोगाची लक्षणे जाणून घेणे अत्यंत महत्वाचे आहे. शरीरात होणारे बदल ओळखणे अत्यंत महत्वाचे ठरू शकते. बहुसंख्य लोकांना सर्वात प्रचलित लक्षणांबद्दल माहिती नसते आणि परिणामी, भारतातील ९०% प्रकरणे उशीरा अवस्थेत ओळखली जातात आणि क्वचितच त्यांच्या आजारातून बरे होतात. याचा एक भाग फुफ्फुसाच्या कर्करोगाची लक्षणे अस्पष्ट असल्याच्या वस्तुस्थितीमुळे आहे.
Bhediya :वरुण धवनच्या ‘भेडिया’ चित्रपटाने पहिल्याच दिवशी केली ७.४८ कोटींची कमाई
फुफ्फुसाच्या कर्करोगामुळे सामान्यत: रुग्णाला खोकल्यापासून रक्त येते, हे एक चिंताजनक लक्षण आहे.फुफ्फुसाचा कर्करोगाचा सर्वात वारंवार प्रकार म्हणजे फुफ्फुसाचा एडेनोकार्सिनोमा. हे ट्यूमर फुफ्फुसाच्या बाहेरील भागात तयार होतात. अशा रुग्णांना सौम्य खोकला, अधूनमधून श्वास घेण्यास त्रास होतो. ज्याला सामान्य सर्दी म्हणून नाकारले जाऊ शकते.औषधांचा पुरेसा उपचार करूनही एक आठवड्यापेक्षा जास्त काळ खोकला सुरू राहिल्यास नेहमी डॉक्टरांचा सल्ला घ्या.