उत्तराखंडमध्ये हिमस्खलन झाल्याची घटना घडली असून यामध्ये २० जण अडकल्याची भीती व्यक्त होत आहे. द्रोपदी डंडा २ पर्वत शिखरावर ही दुर्घटना घडली असून अडकलेल्या गिर्यारोहकांना बाहेर काढण्यासाठी बचाव मोहिम राबवली जात आहे. असे जिल्हा आपत्ती व्यवस्थापन केंद्राने मंगळवारी सांगितले.
उत्तराखंडचे मुख्यमंत्री पुष्कर सिंह धामी यांनी यापूर्वी ट्विट केले होते की, नेहरू पर्वतारोहण संस्थेचे २८ प्रशिक्षणार्थी हिमस्खलनात अडकल्याची माहिती त्यांना मिळाली आहे. जिल्हा प्रशासन, राष्ट्रीय आपत्ती प्रतिसाद दल (NDRF), राज्य आपत्ती प्रतिसाद दल (SDRF), भारतीय लष्कर आणि इंडो-तिबेटन बॉर्डर पोलिस (ITBP) यांच्याकडून जलद, मदत आणि बचाव कार्य सुरू आहे, असे ते म्हणाले. संरक्षण मंत्री राजनाथ सिंह म्हणाले की, “भूस्खलनामुळे मौल्यवान जीवितहानी झाल्यामुळे ते खूप दुःखी आहेत” आणि धामी यांच्याशी बोलले आणि परिस्थितीचा आढावा घेतला. “उत्तरकाशी येथील नेहरू पर्वतारोहण संस्थेने केलेल्या पर्वतारोहण मोहिमेला भूस्खलनामुळे झालेल्या मौल्यवान जीवितहानीमुळे खूप दुःख झाले आहे. ज्यांनी आपल्या प्रियजनांना गमावले आहे अशा शोकग्रस्त कुटुंबांप्रती माझ्या संवेदना, ”सिंग यांनी ट्विट केले.
उत्तराखंडचे डीजीपी अशोक कुमार यांनी एएनआयला सांगितलं की, द्रोपदी डांडा २ या पर्वत शिखरावर हिमस्खलन झालं असून यामध्ये नेहरू माऊंटनेरिंग (NIM) संस्थेचे २८ प्रशिक्षणार्थी अडकले होते. यांपैकी ८ जणांना सुरक्षितरित्या वाचवण्यात आलं आहे. प्राथमिक माहितीनुसार, आज सकाळी नऊ वाजण्याच्या सुमारास ही हिमस्खलनाची घटना घडली आहे. या घटनेची माहिती मिळताच द्रोपदी डंडा २ शिखरावर अडकलेल्या लोकांच्या बचावासाठी एसडीआरएफच्या टीमला रवाना करण्यात आलं आहे.
हे ही वाचा:
Nobel Prize in Physics 2022 : यंदा भौतिकशास्त्राचे नोबेल पारितोषिकाचे मानकरी तीन शास्त्रज्ञ ठरले
Thackeray Vs Shinde : चिन्हाच्या लढाईत ७ ऑक्टोबरपर्यंत दोन्ही बाजूंना कागदपत्रं सादर करावी लागणार
