मुंबई येथील खार परिसरात धक्कादायक प्रकार घडला असल्याची माहिती समोर आली आहे. एका युट्युबरचा लाईव्ह व्हीडिओदरम्यान विनयभंग करण्यात आला. ही माहिती युट्युबरच्या फॉलोअरने मुंबई पोलिसांना दिली. ज्याचा व्हिडीओ सध्या सोशल मीडियावर (Viral video) व्हायरल होत आहे.
दक्षिण कोरियाची युट्यूबर महिला रात्रीच्या वर्दळीच्या वेळी मुंबईत फिरत होती. खार भागात रात्री ८ वाजण्याच्या सुमारास ही घटना होती. पोलिसांनी याबाबत कोणतीही तक्रार आलेली नाही, परंतू या प्रकरणात लक्ष घालत असल्याचे म्हटले आहे. ही महिला लाईव्ह स्ट्रिमिंग करत असताना हा प्रकार कॅमेरामध्ये कैद झाला आहे.
@MumbaiPolice A streamer from Korea was harassed by these boys in Khar last night while she was live streaming in front of a 1000+ people. This is disgusting and some action needs to be taken against them. This cannot go unpunished. pic.twitter.com/WuUEzfxTju
— Aditya (@Beaver_R6) November 30, 2022
हेही वाचा :
नेमकं काय घडलं?
ही घटना दोन दिवसांपूर्वीची असून, ही तरुणी प्रसिद्ध युट्यूबर (Young Korean YouTuber) आहे. भारतातील विविध ठिकाणी लाईव्ह स्ट्रिमिंग करत असते. तशीच एक लाईव्हा स्ट्रिमिंग करण्यासाठी काल ती खारच्या रोड क्रमांक ५ वर आली होती. त्या ठिकाणी ती लाईव्ह स्ट्रिमिंग करत असताना ती दोन तरुणांची प्रतिक्रिया घेण्यासाठी गेली होती. त्यावेळी या दोन तरुणांनी तिला ओढण्याचा, तिचे चुंबन घेण्याचा, तिला गाडीवर बळजबरीने बसवण्याचा प्रयत्न केला. हे सगळं लाईव्ह सुरू होत. ही तरुणी घटनास्थळावरुन दूर जाऊ लागल्यानंतर तोच तरुण आपल्या एका मित्रासह बाईकवरुन पुन्हा तिच्या दिशेने आला आणि तिला जिथे जायचं आहे सोडण्याची ऑफर दिली. मात्र तिने त्यांच्याकडे दुर्लक्ष केले.
या प्रकरणी दोघांनाही खार पोलिसांनी अटक केली आहे. दोघांवरही विनयभंगाचा गुन्हा दाखल करण्यात आला आहे. मोबीन शेख(१९) आणि मोहम्मद अन्सारी (२०) अशी दोन्ही अटक आरोपींची नावे आहेत.