मुंबई पोलिसांनी मंगळवार आणि बुधवारी मध्यरात्री त्यांचे नियमित ‘ऑल आउट ऑपरेशन’ केले आहे. या ऑपरेशन दरम्यान ३९० लोकांना अटक केली आहे. सुरक्षा वाढवण्यासाठी संपूर्ण शहरात नाकाबंदी करण्यात आली. FPJ मध्ये प्रसिद्ध झालेल्या बातमीनुसार, ९६० पैकी ३० जणांना अटक करण्यात आली, जे फरार आहेत किंवा पोलिसांच्या वॉन्टेड गुन्हेगारांच्या यादीत समाविष्ट आहेत.
मुंबई मध्ये पोलिसांनी ‘ऑल आउट ऑपरेशन’ चालू केले आहे. या संदर्भात पोलिसांनी सांगितले की, ज्यांच्या विरोधात अजामीनपात्र वॉरंट होते अशा किमान ८१ जणांनाही अटक करण्यात आली आहे. एनडीपीएस कायद्यांतर्गत बेकायदेशीर ड्रग्सची विक्री, सेवन किंवा बाळगल्याबद्दल १३५ जणांना अटक करण्यात आली आहे.
तसेच तलवारी, चाकू, चॉपर यांसारखी बेकायदेशीर व घातक हत्यारे बाळगल्याप्रकरणी २३ जणांना अटक करण्यात आली. तर शहरात ५१ ठिकाणी छापे टाकण्यात आले आहेत. पोलिसांनी शहरात पसरलेल्या ५१ ठिकाणी छापे टाकून ६२ जणांना अवैध दारू विक्री आणि जुगाराच्या आरोपाखाली अटक केली. यापूर्वी कायदा व सुव्यवस्था राखण्यासाठी पोलिसांनी परिसराबाहेर ठेवलेल्या ३२ आरोपींनाही अटक करण्यात आली होती. १३० ठिकाणी ३१ जणांना अटक करण्यात आली. पोलिसांनी हॉटेल, लॉज आणि मुसाफिरखानासह ५४२ ठिकाणांची तपासणी केली आणि आणखी ३० आरोपींना अटक केली. मुंबई पोलिसांच्या वाहतूक शाखेने ७६ ठिकाणी व्यापक नाकाबंदी केली आणि मोटार वाहन कायद्यांतर्गत ८७२ वाहनचालकांवर दंडात्मक कारवाई केली, तर मद्यपान करून वाहन चालवल्याप्रकरणी १७ जणांवर गुन्हा दाखल करण्यात आला. पोलिसांच्या या कारवाईने मुंबईकरांचे धाबे दणाणले आहेत. मुंबई पोलिसांनी अनेक प्रकरणात ही कारवाई करून अटक केली आहे.
हे ही वाचा :
मुंबई मेट्रो प्राधिकरणाला सुप्रीम कोर्टाने झापले, १० लाखांचा दंड
Eid-ul-Fitr 2023, भारतात ईद-उल-फित्र कधी साजरी होईल, ईदची नेमकी तारीख आणि त्याचे महत्त्व जाणून घ्या