बीएमसीने २९ नोव्हेंबर ते ३० नोव्हेंबर २०२२ दरम्यान त्यांच्या कार्यक्षेत्रातील १० वॉर्डांसाठी २४ तास पाणीपुरवठा कपातीची घोषणा केली. के पूर्व आणि के पश्चिम हे दोन वॉर्ड पुरवठा खंडित झाल्याने सर्वाधिक प्रभावित होणार आहेत. मुंबईतील (Mumbai Water Supply) अनेक प्रभागांमध्ये मंगळवारी, २९ नोव्हेंबर सकाळी ८.३० वाजल्यापासून ते ३० नोव्हेंबरपर्यंत सकाळी ८.३० वाजेपर्यंत पाणीपुरवठा बंद असणार आहे. पवई आणि वेरावली दरम्यान पाणीपुरवठा करणाऱ्या पाईपलाईनची दुरुस्ती करण्यात येणार आहे. यामध्ये पाणी गळती रोखण्यासह इतर कामांचाही समावेश आहे. पवईतील ३०० मिमी पाइपलाइन तसेच पाण्याचा प्रचंड दाब असलेल्या १८०० मिमी पाईपलाईनची दुरुस्ती करण्यात येणार आहे.
हेही वाचा :
“शिवसेनेचा मुकाबला एकटा करू शकत नाही म्हणून”, ठाकरे गटाकडून राज ठाकरेंवर खोचक टीका
मुंबईतील के-पश्चिम या प्रभागातील पाणीपुरवठा संपूर्णपणे बंद (Mumbai Water Cut) असणार आहे. तर, के-पूर्व, एच-पश्चिम, एच-पूर्व, पी-दक्षिण, एस, एल आणि एन या प्रभागातील काही ठिकाणी पाणीपुरवठा होणार नाही. के पश्चिम वॉर्डात राहणार्‍या सुमारे ७.५ लाख लोकांना २४ तासांच्या पाणीकपातीचा फटका बसेल असा अंदाज आहे. ओशिवरा, लोखंडवाला, विलेपार्ले पश्चिम, अंधेरी पश्चिम आणि जुहू यासारख्या ठिकाणी २४ तास पाणी पुरवठा बंद असणार आहे. या या प्रभागात असणाऱ्या महापालिकेच्या कूपर रुग्णालयासाठी टँकरने पाणीपुरवठा करण्यात येणार आहे.
के-पूर्व भागात अंधेरी पूर्व, एमआयडीसी, सीप्झ, जोगेश्वरी पूर्व आदी ठिकाणांचा समावेश आहे. गुंदवली, नेहरू नगर आणि आझाद नगर या भागात २९ नोव्हेंबर रोजी पाणीकपात होणार आहे. तर आनंद नगर, समर्थ नगर आणि शेर-ए-पंजाब भागात ३० नोव्हेंबरला पाणीपुरवठा कपात होणार आहे. तर, उर्वरित भागात पाणीपुरवठा कमी दाबाने होणार आहे.
राज्यपाल कोश्यारींना दिलेला अल्टीमेटम संपला,आता मविआची पुढील भूमिका ‘महाराष्ट्र बंद’?
इतर वॉर्ड ज्यात अंशत: खंडित किंवा कमी दाबाने पाणीपुरवठा होईल ते एल वॉर्ड (कुर्ला प्रदेश), एन वॉर्ड (घाटकोपर प्रदेश), एस वॉर्ड (भांडुप आणि विक्रोळी प्रदेश), पी दक्षिण वॉर्ड (गोरेगाव पश्चिम प्रदेश), एच पूर्व (वांद्रे प्रदेश). आणि सांताक्रूझ पूर्व प्रदेश), एच पश्चिम (वांद्रे ते सांताक्रूझ पश्चिम) जी उत्तर (दादर क्षेत्र) आणि एम पश्चिम (गोवंडी). गोरेगाव पश्चिम आणि राम मंदिर स्टेशन सारख्या क्षेत्रांचा समावेश असलेल्या पी दक्षिण प्रभागातही काही पाणी कपात होईल आणि काही भागात कमी दाबाने पाणीपुरवठा होईल.
आमच्या सरकारबद्दल लोकांचे मत चांगले, मुख्यमंत्री एकनाथ शिंदे