अंडरवर्ल्ड गँगस्टर दाऊद इब्राहिम आणि २६/११ मुंबई हल्ल्याचा मास्टरमाईंड हाफिज सईद यांना लवकरच भारताच्या ताब्यात दिले जाईल का, असे विचारले असता एका उच्चपदस्थ पाकिस्तानी गुप्तचर अधिकाऱ्याने मंगळवारी टिप्पणी करण्यास नकार दिला. आज दिल्लीच्या प्रगती मैदानावर सुरू असलेल्या इंटरपोलच्या बैठकीत पाकिस्तानच्या फेडरल इन्व्हेस्टिगेशन एजन्सीचे (एफआयए) महासंचालक मोहसीन बट्ट यांना विचारण्यात आले की ते अंडरवर्ल्ड डॉन दाऊद इब्राहिम आणि लष्कर-ए-तैयबाचा प्रमुख हाफिज सईद यांना भारताकडे सोपवतील का? उत्तर देण्यास नकार दिला.
अंडरवर्ल्ड डॉन दाऊद इब्राहिम आणि २६/११ मुंबई हल्ल्याचा मास्टरमाईंड हाफिज सईद हे दोघेही दहशतवादी आहेत आणि भारतीय सुरक्षा यंत्रणांच्या मोस्ट वॉन्टेड दहशतवाद्यांच्या यादीत त्यांचा समावेश आहे. एफआयएचे महासंचालक मोहसीन बट यांनी दाऊद इब्राहिम आणि हाफिज सईदच्या ठावठिकाणाबाबत भाष्य करण्यास नकार दिला. या दोन मोस्ट वॉन्टेड दहशतवाद्यांना पाकिस्तानने आश्रय दिल्याचे मानले जात आहे. या महासभेत १९५ देशांचे प्रतिनिधी सहभागी होत आहेत. या प्रतिनिधींमध्ये सदस्य देशांचे मंत्री, पोलीस प्रमुख, केंद्रीय ब्युरो प्रमुख आणि वरिष्ठ पोलीस अधिकारी यांचा समावेश आहे. मिळालेल्या माहितीनुसार, येथे १८ ऑक्‍टोबर ते २१ ऑक्‍टोबर या कालावधीत महासभेची बैठक चालणार आहे. महासभा ही इंटरपोलची सर्वोच्च प्रशासकीय संस्था आहे आणि वर्षातून एकदा बैठक होते. या बैठकीत इंटरपोलच्या कामकाजाचा आढावा घेऊन महत्त्वाचे निर्णयही घेतले जातात. बैठकीत आर्थिक गुन्हे आणि भ्रष्टाचाराच्या विविध पैलूंवर चर्चा होणार आहे.
२५ वर्षांनंतर भारतात इंटरपोल महासभेची बैठक होत आहे. भारतात ही महासभा शेवटची १९९७ मध्ये झाली होती. भारताच्या स्वातंत्र्याच्या ७५ व्या वर्धापन दिनानिमित्त, नवी दिल्ली येथे या वर्षीची आमसभा आयोजित करण्याची विशेष संधी देण्यात आली आहे. केंद्रीय गृहमंत्री अमित शाह, इंटरपोलचे अध्यक्ष अहमद नासेर अल रायसी आणि त्याचे महासचिव जर्गेन स्टॉक हेही या महासभेला उपस्थित होते.
हे ही वाचा :
रेल्वे समितीच्या बैठकीत वाद; खा. रणजितसिंह निंबाळकरांचा अध्यक्षपदाचा राजीनामा