मुंबई : मध्य रेल्वेचे प्रवासी आता यात्री ॲपद्वारे लोकल ट्रेनचे थेट लोकेशन ट्रॅक करू शकतात. महाव्यवस्थापक, मध्य रेल्वे यांच्या उपस्थितीत थेट स्थान दर्शविणाऱ्या वैशिष्ट्याचे प्रात्यक्षिक मध्य रेल्वेच्या प्रवाशांना आता यात्री मोबाइल ॲप्लिकेशनवर मध्य रेल्वेतील लोकल ट्रेनच्या थेट लोकेशनची माहिती मिळू शकेल.
प्रसारमाध्यमांशी संवाद साधताना महाव्यवस्थापक म्हणाले की, यात्री ॲप दैनंदिन उपनगरीय प्रवाशांसाठी रेल्वे धावण्याविषयीची माहिती मिळविण्यासाठी आणि त्यांच्या प्रवासाचे उत्तम नियोजन करण्यासाठी उपयुक्त साधन आहे. विशेषत: इतर कोणत्याही कारणांमुळे किंवा मेगाब्लॉक इत्यादींमुळे रेल्वे सेवा विस्कळीत होण्याच्या काळात ट्रेन रद्द करणे किंवा विशेष गाड्या चालवल्याबद्दल त्यांना माहिती मिळू शकते.
Central Railway commuters can now track live location of local trains through Yatri app.
Demonstration of live location feature in presence of Shri Anil Kumar Lahoti, General Manager, Central Railway and Shri Shalabh Goel, @drmmumbaicr. @RailMinIndia pic.twitter.com/ZzhEwwqbPw— Central Railway (@Central_Railway) July 13, 2022
लाइव्ह लोकेशन ट्रॅकिंग याचे एक महत्त्वाचे वैशिष्ट्य आहे- ‘यात्री’ हे एक मोबाइल ॲप्लिकेशन आहे जे प्रवाशांना त्यांच्या प्रवासाचे आणि सुलभ प्रवासाचे उत्तम नियोजन करण्यात मदत करेल.सर्व उपनगरीय रेकवर स्थापित जीपीएस उपकरणे आणि लोकल ट्रेनचे रिअल टाइम लोकेशन मिळवण्यासाठी विकसित केलेला अल्गोरिदम वापरकर्त्यांना नकाशावर थेट ट्रेनचे स्थान पाहण्यास आणि ट्रेनचे चिन्ह हलताना पाहण्यास सक्षम करेल. डेटा दर १५ सेकंदांनी ऑटो रिफ्रेश होतो आणि ट्रेनचे अपडेट केलेले लाईव्ह लोकेशन मिळवण्यासाठी वापरकर्ते रिफ्रेश बटणावर क्लिक करू शकतात.
वापरकर्त्याला ट्रेनच्या आगमनाबाबत वेळेवर सूचना देखील मिळतील. ही सुविधा मेन लाईन, हार्बर लाईन, ट्रान्सहार्बर लाईन आणि बेलापूर/नेरुळ – खारकोपर लाईनवरील गाड्यांच्या प्रवाशांसाठी उपलब्ध आहे. ‘यात्री ॲप’ अँड्रॉइड प्लेस्टोअर आणि ॲपल ॲप स्टोअरवर उपलब्ध आहे.
यात्री ॲपच्या इतर वैशिष्ट्यांमध्ये हे समाविष्ट आहे:
1. थेट अपडेट2. लोकल ट्रेन्सचे अपडेट केलेले वेळापत्रक,
3. उपनगरीय गाड्यांचे तिकीट भाडे तपशील,
4. स्त्रोत आणि गंतव्य स्थानके प्रविष्ट करून प्रवासाचे नियोजन,
5. मेल एक्सप्रेस ट्रेनची माहिती जसे की “स्पॉट तुमची ट्रेन” आणि “पीएनआर स्थिती”
6. मुंबई विभाग, मध्य रेल्वेवरील स्थानकांवर स्थानकनिहाय सुविधा पाहणे,
7. रेल्वे आणि वैद्यकीय आपत्कालीन क्रमांक
8. आवडत्या (नियमित) गाड्या आणि मार्गांवर अलर्ट सेट करणे,
9. एका टॅपमध्ये SOS साठी रेल्वे आपत्कालीन स्थितीशी संपर्क साधणे,
10. मेट्रो, मोनो, फेरी आणि बस माहिती आणि वेळापत्रक,
11. वापरकर्ते अभिप्राय आणि सूचना.
हेही वाचा :
श्रीलंकेची तीन वर्षापूर्वी जी स्थिती होती तीच स्थिती आज भारताची : अतुल लोंढेंचा आरोप
