Petrol and Diesel Price in Maharashtra : आता महाराष्ट्रातील मुंबई, ठाणे आणि नवी मुंबईत पेट्रोल आणि डिझेल स्वस्त होणार आहे. याबाबत अजित पवार यांनी अर्थसंकल्पात मोठी घोषणा केली आहे. या घोषणेनंतर मुंबई, ठाणे आणि नवी मुंबईत पेट्रोल आणि डिझेल ६५पैशांनी स्वस्त होणार आहे. यामुळे सर्वसामान्यांबरोबरच व्यापारी वर्गालाही दिलासा मिळणार आहे.
महाराष्ट्राचा अर्थसंकल्प सादर करताना उपमुख्यमंत्री अजित पवार म्हणाले, “मुंबई विभागासाठी डिझेलवरील कर २४ टक्क्यांवरून २१ टक्क्यांवर आणला जात आहे, ज्यामुळे डिझेलच्या दरात प्रतिलिटर २ रुपयांनी प्रभावीपणे घट होईल. पेट्रोल मुंबई प्रदेश मात्र हा कर २६ टक्क्यांवरून २५ टक्क्यांवर आणला जात आहे, ज्यामुळे पेट्रोलची किंमत प्रति लिटर ६५ पैशांनी प्रभावीपणे कमी होईल. हा निर्णय फक्त मुंबई महानगर क्षेत्रातच लागू असेल, असे ते म्हणाले. या कारवाईमुळे राज्याच्या तिजोरीवर २०० कोटी रुपयांचा बोजा पडणार आहे. पेट्रोल आणि डिझेलवरील मूल्यवर्धित कर समान करण्यासाठी, मुंबई, ठाणे आणि नवी मुंबई महानगरपालिका क्षेत्रातील डिझेलवरील सध्याचा कर २४ टक्क्यांवरून २१ टक्क्यांपर्यंत कमी करण्याचा प्रस्ताव आहे. तसेच, पेट्रोलवरील कर सध्याच्या २६ टक्के अधिक ५ रुपये १२ पैसे प्रति लिटरवरून २५ टक्के अधिक ५ रुपये १२ पैसे प्रति लिटर करण्याचा प्रस्ताव आहे.
उपमुख्यमंत्री अजित पवार यांनी सादर केलेल्या पुरवणी अर्थसंकल्पात पेट्रोल आणि डिझेलच्या दरात कपात केल्यानंतर सर्वसामान्य नागरिकांसह उद्योग, व्यावसायिक क्षेत्राला दिलासा मिळणार आहे. या घोषणेनंतर पत्रकारांशी बोलताना मुख्यमंत्री एकनाथ शिंदे म्हणाले, अर्थसंकल्पात व्हॅटमध्ये कपात प्रस्तावित करण्यात आली आहे. राज्य विधानसभा आणि विधानपरिषदेत अर्थसंकल्प मंजूर झाल्यानंतर १ जुलैपासून हा निर्णय लागू होईल. या वर्षाच्या अखेरीस महाराष्ट्रात विधानसभेच्या निवडणुका होणार आहेत. याआधीही शिंदे सरकारने पेट्रोल-डिझेलचे दर कमी करून मोठा जुगार खेळला आहे.
हे ही वाचा:
India Vs England: टीम इंडियाची बाजी, अंतिम सामन्यासाठी खेळाडू सज्ज
कुरकुरीत भेंडी करताना ‘या’ टिप्स वापरून पाहा, नक्कीच होईल फायदा…
