सध्या पावसाळा सुरु असल्यामुळे तरुणाई मोठ्या प्रमाणावर धबधबा आणि ट्रेकिंगसाठी जातात. पण पर्यटनासाठी जाताना आवशक ती काळजी घेतली पाहिजे. पुण्याच्या आजूबाजूला अनेक पर्यटन स्थळ आहेत. पण धबधब्यातील पाण्याचा अंदाज न घेता अनेक जण पोहण्यासाठी जातात. त्यामुळे काही वेळा पाण्यात बुडण्याची भीती असते. पाण्यात बुडून मृत्यू झाल्याच्या अनके घटना पुण्यात घडल्या आहेत.
पुण्यात (Pune) मागील काही दिवसांपासून अनेक धोकादायक घटना घडत आहेत. अशीच एक घटना भोर तालुक्यात घडली आहे. भोर तालुक्यातील भाटघर धरणात एका तरुणाचा बुडून मृत्यू झाल्याची घटना घडली आहे. चार मित्र सहलीसाठी गेले होते. यावेळी त्यातील दोघांना पोहण्याचा मोह आवरला नाही म्हणून ते पाण्यात उतरले. त्यातील ऐकाला पाण्याचा अंदाज न आल्यामुळे तो पाण्यात बुडाला. या घटनेमुळे काहीवेळ सगळ्यांचा गोंधळ उडाला होता. आदित्य अशोक केदारे (24, रा.हांडेवाडी, सासानेनगर, हडपसर) असे मृत्यू झालेल्या तरुणाचे नाव आहे. हा तरुण हडपसर मध्ये राहणारा आहे. चार मित्र भोर मध्ये सहलीसाठी गेले होते. शनिवारी सुट्टी असल्यामुळे दोन मुली आणि मुलं सहलीसाठी गेले होते. त्यानंतर ते भाटघर धरणाच्या बॅक वॉटर पाहण्यासाठी गेले. तिकडे गेल्यानंतर हा सर्व प्रकार घडला. या घटनेची सर्व माहिती पोलिसांनी दिली आहे. पोलिसांनी घटनास्थळी धाव घेतल्यांनंतर भोईराज जलआपत्ती पथकाला बोलवण्यात आले.
हे ही वाचा:
पंतप्रधान नरेंद्र मोदी यांनी व्यक्त केला विश्वास
Asia Cup 2023, केएल राहुल पूर्णपणे फिट, श्रीलंकेला लवकरच होईल रवाना …
पुणे शहरात पाणी कपात होणार की नाही ? बैठकीत पालकमंत्र्यांनी घेतला निर्णय…