Pune Bypoll election, कसबा – चिंचवड पोटनिवडणुकांसाठी भाजपचे उमेदवार ठरले

गेल्या अनेक दिवसांपासून कसबा (Kasba) आणि चिंचवड (Chinchvad) पोटनिवडणुकांची चर्चा ही सुरु आहे. पुण्यातील (Pune) कसबा विधानसभा मतदार संघाच्या आमदार मुक्ता टिळक (Mukta Tilak) आणि चिंचवडचे आमदार लक्ष्मण जगताप (laxman Jagtap) यांचे निधन झाले. त्यानंतर आता या रिक्त झालेल्या जगावर निवडणुका घेण्यात येणार आहे. परंतु ही पोटनिवडणूक बिनविरोध व्हावी, असा भारतीय जनता पार्टीचा प्रयत्न आहे. मात्र, महाविकास आघाडीदेखील ही निवडणूक लढण्याच्या तयारीत आहे. दरम्यान, या पोटनिवडणुकीसाठी भाजपाकडून उमेवार जाहीर करण्यात आले आहेत. कसबा मतदार संघासाठी भाजपकडून हेमंत रासने (Hemant Rasne) आणि चिंचवड मतदार संघासाठी भाडपकडून लक्ष्मण जगताप यांच्या पत्नी अश्विनी जगताप (Ashwini Jagtap) यांच्या नावाची घोषणा झाली आहे.