ऐन दिवाळीच्या उत्सवात मध्य रेल्वेने (Central railway) मुंबईकरांना (mumbaikar) झटका दिला आहे. मध्य रेल्वेने छत्रपती शिवाजी महाराज टर्मिनस रेल्वेस्थानकासह (csmt) ६ रेल्वे स्थानकांच्या प्लॅटफॉर्मचे तिकीट चारपटीने वाढवले आहे. या सहाही रेल्वे स्थानकातील प्लॅटफॉर्मचे तिकीट १० रुपयांवरून ५० रुपये करण्यात आलं आहे. त्यामुळे प्रवाशांनो, या स्थानकातील प्लॅटफॉर्मवर जाताना खिसा पाहूनच जा. नाही तर माघारी परतावं लागेल.
पश्चिम रेल्वेच्या मुंबई सेंट्रल विभागाच्या काही रेल्वे स्टेशनवर आता प्लॅटफॉर्म तिकीट ५० रुपये करण्यात आलं आहे. याआधी हे शुल्क १० रुपये होतं. मात्र आता हे पाचपट वाढवण्यात आलं आहे. रेल्वे स्थानकांवर प्रवाशांची मोठी गर्दी होत आहे. याच गर्दीच्या पार्श्वभूमीवर ३१ ऑक्टोबरपर्यंत हा निर्णय लागू करण्यात आला आहे. मुंबई सेंट्रल, दादर, बोरीवली, वांद्रे टर्मिनस, वापी, वलसाड, उढना, सुरत या स्टेशनवरच्या प्लॅटफॉर्म तिकीटांच्या दरात वाढ झाली आहे..
In order to prevent overcrowding of passengers at CSMT, Dadar, Thane, Kalyan, LTT and Panvel railway stations, platform ticket fare at these stations has been increased to Rs 50 from October 22 to October 31 (as a temporary measure): Central Railway pic.twitter.com/x6EV3MkH8G
— ANI (@ANI) October 21, 2022
यापूर्वी दक्षिण रेल्वेनेही प्लॅटफॉर्मच्या तिकिटात वाढ केली आहे. चेन्नई मंडळाच्या आठ प्रमुख रेल्वे स्थानकात ही वाढ करण्यात आली आहे. चेन्नई सेंट्रल, चेन्नई एगमोर, तांबरम, काटपाडी, चैंगलपट्टू, अरक्कोनम, तिरुवल्लूर आणि अवाडी रेल्वे स्थानकाच्या प्लॅटफॉर्म तिकिटात वाढ करण्यात आली आहे. ही तिकीट १ ऑक्टोबर ते ३१ जानेवारी २०२३ पर्यंत असणार आहे.
हे ही वाचा:
भरत गोगवलेचे कट्टर विरोधक काँग्रेस नेत्या स्नेहल जगताप पोहचल्या मातोश्रीवर
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.