गुजरातमधील वलसाडमध्ये वंदे भारत ट्रेनला पुन्हा एकदा अपघात झाला आहे. ही घटना वलसाडच्या अतुलजवळ घडली. गाय धडकल्याने हा अपघात झाला असून, या घटनेत ट्रेनचा समोरील भाग तुटला आहे. तसेच रेल्वेच्या इंजिनाजवळील खालच्या भागात नुकसान झाले आहे. ही घटना सकाळी ८.१७ च्या सुमारास वलसाडमध्ये घडली असून, घटनेनंतर वंदे भारत ट्रेन जवळपास १५ मिनिटे थांबवण्यात आली होती. अपघाताची माहिती मिळताच रेल्वे विभागाचे अधिकारी घटनास्थळी पोहोचले.
“मुंबई सेंट्रल विभागातील अतुलजवळ वंदे भारत ट्रेन जात असताना जनावरांच्या धावपळीची घटना घडली, ज्यामध्ये एका बैलाला धडक बसली. ट्रेन मुंबई सेंट्रल ते गांधीनगर असा प्रवास करत होती,” असे पश्चिम रेल्वेचे मुख्य पीआरओ सुमित ठाकूर यांनी एका निवेदनात सांगितले. सकाळी ८:१७ वाजता ही घटना घडली आणि ट्रेन सुमारे १५ मिनिटे रोखून धरली. “पुढील डब्याच्या म्हणजेच ड्रायव्हरच्या डब्याच्या नोज कोन कव्हरला झालेल्या नुकसानाशिवाय ट्रेनचे कोणतेही नुकसान झालेले नाही. ट्रेन सुरळीत चालू आहे. याला लवकरात लवकर हजर केले जाईल,” असे पुढे पीआरओ सुमित ठाकूर यांनी निवेदनात लिहिले आहे. पश्चिम रेल्वेने मुंबई सेंट्रल स्टेशनवर इंजिनच्या अतिरिक्त नाक कव्हरची तरतूद केल्याचे कळते आणि संध्याकाळी ट्रेन मुंबईला परतल्यावर ती निश्चित केली जाईल, असे अधिकाऱ्यांनी ठामपणे सांगितले.
याआधी ७ ऑक्टोबर रोजीदेखील भारतातील पहिली हायस्पीड वंदे भारत ट्रेनला अपघात झाला आहे. वडोदरा जवळील आणंदजवळ वंदे भारत ट्रेनची एका गायीला धडक बसली होती. ७ ऑक्टोबर २०२२ रोजी ही ट्रेन गांधीनगर ते मुंबई असा प्रवास करत होती. त्यावेळी हा अपघात घडला होता. या घटनेत ट्रेनच्या काचेचे किरकोळ नुकसान झाले होते. गांधीनगर-मुंबई वंदे भारत एक्सप्रेसचे नुकतेच पंतप्रधान नरेंद्र मोदी यांच्या हस्ते उद्घाटन करण्यात आले. पीएम मोदी नोव्हेंबरमध्ये पाचव्या वंदे भारत ट्रेनला हिरवा झेंडा दाखवणार आहेत, जी चेन्नई-म्हैसूर-बेंगळुरू मार्गाला जोडेल.
हे ही वाचा :
कॉमेडियन भारती सिंह आणि पती हर्ष अडचणीत? ड्रग्ज प्रकरणी NCB कडून न्यायालयात आरोपपत्र दाखल
