वर्षभरात येणाऱ्या एकादशीमध्ये सर्वात महत्वाची असणारी एकादशी म्हणजे आषाढी एकादशी. या एकादशीला ‘महाएकादशी’ असेही संबोधले जाते. पंढरपूरातील आषाढी एकादशीचा उत्सव हा डोळ्यांचा पारणं फेडणारा असतो. हा सोहळा आपल्या डोळ्यांना पाहायला मिळणे म्हणजे हे विठ्ठलभक्तांचे भाग्यच समजावे लागेल. या सोहळ्यासाठी चंद्रभागेच्या तिरी विठुरायाच्या लाडक्या भक्तांची आणि वारकऱ्यांची अलोट गर्दी पाहायला मिळते. आषाढी एकादशीच्या निमित्ताने आपाल्या घराबाहेर छान रांगोळी काढून विठूरायाची मनोभावे पूजाअर्चा करून घरात गोडाधोडाचे जेवण करून हा सण साजरा करा.