Balsaheb Thackeray Jayanti 2023, बाळासाहेब ठाकरे आणि राज ठाकरे यांच्यातील अखेरचा ‘राजकीय संवाद’ काय होता हे तुम्हाला माहित आहे का ? घ्या जाणून
Team Timemaharashtra
Published on: Mon 23rd January 2023, 02:33 PM
आज हिंदुह्रदयसम्राट शिवसेनाप्रमुख बाळासाहेब ठाकरे यांची ९७ वी जयंती आहे. शिवसैनिकांचे दैवत असलेल्या बाळासाहेब ठाकरेंच्या जयंतीनिमित्त राज्यभरात अनेक ठिकाणी विविध कार्यक्रम राबवण्यात येणार आहेत.
सध्या राज्यामध्ये सर्वच पक्ष राजकीयदृष्ट्या विरोधक आहेत. पण सध्या असलेले राज्याचे मुख्यमंत्री एकनाथ शिंदे, मनसे अध्यक्ष राज ठाकरे, केंद्रीय मंत्री नारायण राणे असतील अशा सर्व बड्या नेत्यांनी शिवसेना प्रमुख बाळासाहेब ठाकरे यांच्याकडून शिकवण घेतली आहे. तसेच बाळासाहेब ठाकरे हे त्यांचे आदर्श देखील आहेत.
शिवसेना प्रमुख बाळासाहेब ठाकरे आणि मनसे अध्यक्ष राज ठाकरे यांच्यातील नाते किती घट्ट होते हे सर्वांनाच माहिती आहेत. तर बाळासाहेब ठाकरे हे राज ठाकरे यांचे काका आहेत.आणि त्याचसोबत त्यांचे राजकीय मार्गदर्शकी देखील होते.
२००६ साली राज ठाकरे यांनी स्वतःचा मनसे पक्ष स्थापन केला आणि ते शिवसेनेपासून आणि बाळासाहेब ठाकरेंपासून दुरावले.
राज ठाकरे आणि बाळासाहेब ठाकरे यांचातील शेवटची राजकीय चर्चा काय झाली हे तुम्हाला हे माहित आहे का ? राज ठाकरे यांनी त्यांच्या एका भाषणात सांगितल होत “मला आजही ती गोष्ट आठवते की जेव्हा बाळासाहेबांना कळलं, हा काही राहत नाही पक्षात आता. माझी शेवटची भेट होती. मी आजपर्यंत कधी तुमच्याशी ही गोष्ट बोललो नाही.”
राज ठाकरे हे पुढे म्हणाले की ” निघताना माझ्यासोबत मनोहर जोशी होते. मनोहर जोशी बाहेर गेलेले रुमच्या. रुमच्या बाहेर गेल्यावर माननिय बाळासाहेबांनी मला बोलावलं. असे हात पसरले माझ्यासमोर (दोन्ही हात पसरवून दाखवत). मला मिठी मारली. आणि म्हणालेजा लढ, मी आहे त्यांना समजलं होतं.की मी आता शिवसेना सोडणार आहे.” हा मनसे अध्यक्ष राज ठाकरे आणि बाळासाहेब ठाकरे यांच्यातील शेवटचा राजकीय संवाद होता.
