निम्रीत कौर अहलुवालिया: ती एक टेलिव्हिजन अभिनेत्री आणि मॉडेल आहे आणि छोटी सरदारनी मधील मेहेर कौर ढिल्लॉन गिल आणि सेहेर कौर गिल बब्बर या दुहेरी भूमिकांसाठी ती प्रसिद्ध आहे.
अब्दु रोजिक: अब्दु रोजिक ‘ओही दिली झोर’ या ताजिक रॅप गाण्यासाठी ओळखला जातो. त्याच्या य्याच म्युझिक व्हिडिओंमुळे तो सोशल मीडियावर लोकप्रिय झाला. तसेच तो जगातील सर्वात लहान गायक असल्याचा देखील दावा केला जातो.
अंकित गुप्ता: उड़ारिया फेम अंकिताला सोशल मीडियावर खूप फॅन फॉलोविंग आहे. तसेच हा अभिनेता यापूर्वी साद्दा हक, बालिका वधू, बेगुसराय आणि मायावी मलिंग अशा मालिकांचा देखील एक भाग होता.
प्रियांका चहर चौधरी: उड़ारियामधील अंकितची सहकलाकार असलेली प्रियांका चहर चौधरी सुद्धा आता बिग बॉसमध्ये दिसणार आहे. त्यामुळे या ऑन – स्क्रीन जोडीची ऑफ – स्क्रीन केमिस्ट्री पाहण्यासाठी चाहते चांगलेच उत्सुक आहेत.
एमसी स्टॅन: एमसी स्टॅन, ज्याचे खरे नाव अल्ताफ तडावी उर्फ अल्ताफ शेख आहे. हा एक पुणेस्थित रॅपर आहे. तो त्याच्या इन्सान आणि तडीपार ह्या दोन अल्बमसाठी आणि डिस ट्रॅक आणि Raftaar यांच्या कोलॅबमध्ये केलेल्या एमिवे बांटाईसाठी देखील ओळखला जातो.
अर्चना गौतम: अभिनेत्री, मॉडेल आणि राजकारणी अर्चना गौरम ‘बिग बॉस 16’ मध्ये सामील झाली. नोव्हेंबर २०२१ मध्ये ती भारतीय राष्ट्रीय काँग्रेसमध्ये सामील झाली होती. तसेच ती मिस बिकिनी इंडिया २०१८ मध्यर निवड झालेल्या अर्चनाने बॉलीवूडमध्येही काम केले आहे आणि तिचा पहिला चित्रपट ‘ग्रेट ग्रँड मस्ती’ होता.
गौतम सिंग विग: गौतम सिंग विगने आपल्या करिअरची सुरुवात एक मॉडेल म्हणून केली होती. त्यानंतर त्याने साथ निभाना साथिया २, नामकरण आणि इश्क सुभानल्ला या मालिकांमध्ये देखील काम केले आहे.
शालिन भानोत: टीव्ही अभिनेता शालिन भानोत ‘नागिन’मधील नकारात्मक भूमिकेसाठी प्रसिद्ध आहे. शालीनने ‘सात फेरे: सलोनी का सफर’, ‘कुलवधू’मध्येही काम केले आहे आणि ‘काज्जल’ या शोमध्ये त्याने कॅमिओही केला आहे. तसेच त्याने ‘नच बलिये ४’ या डान्स रिअॅलिटी शोमध्ये देखील भाग घेतला होता.
सौंदर्या शर्मा: ती एक अभिनेत्री, मॉडेल आणि डेंटिस्ट आहे. सौंदर्याला “रांची डायरीज” या चित्रपटातील भूमिकेसाठी ओळखले जाते. तसेच तिने लोकप्रिय वेब सीरिज रक्तांचल २ मध्येही काम केले आहे.
शिव ठाकरे: तो रिअॅलिटी टीव्ही स्टार आणि बिग बॉस मराठी (सीझन २ ) चा विजेता आहे. शिव एमटीव्ही रोडीज रायझिंगमध्ये भाग घेण्यासाठी देखील ओळखला जातो.
सुंबुल तौकीर खान: टेलिव्हिजन अभिनेत्री सुंबूल तौकीर, जी टीव्हीची आवडती बहू म्हणून ओळखली जाते, ती इम्ली शोमधील इमली चतुर्वेदी राठौरच्या भूमिकेसाठी ओळखली जाते. सुंबूल चंद्रगुप्त मौर्य आणि आर्टिकल १५मध्ये देखील दिसली होती.
मान्या सिंह: मॉडेल आणि फेमिना मिस इंडिया २०२० उपविजेती मान्या सिंह देखील या शोमध्ये सामील होणार आहे. घरी हालाखीची परिस्थिती असताना फेमिना मिस इंडिया २०२० उपविजेती ठरल्यामुळे तीला खूप प्रसिद्धी मिळाली होती.
गोरी नागोरी: गोरी ही एक लोकप्रिय नृत्यांगना आहे. ती जरी मूळची राजस्थानची असली तरी वेगवेगळ्या भोजपुरी गाण्यांवरील तिच्या डान्स मूव्हससाठी ती प्रसिद्ध आहे.
टीना दत्ता: टीना टेलिव्हिजनचा एक लोकप्रिय चेहरा असून , ती लोकप्रिय शो उत्तरन मधील इच्छा आणि मीठी या दुहेरी भूमिकांसाठी प्रसिद्ध आहे. दत्ता फियर फॅक्टर: खतरों के खिलाडी ७ मध्ये देखील स्पर्धक म्ह्णून सहभागी झाली होती.
श्रीजिता डे: उत्तरन या शोमध्ये टीनासोबत श्रीजीता डे दिसली होती. लोकप्रिय डेली सोपमधील मुक्ताच्या भूमिकेसाठी ती प्रसिद्ध आहे. डे ने नजर मध्ये दिलरुबा आणि सनम आणि ये जादू है जिन का! मध्ये आलिया ही भूमिका साकारली आहे.
साजिद खान: दिग्दर्शक, चित्रपट निर्माता, कॉमेडियन आणि टेलिव्हिजन प्रेझेंटरने सलमान खानच्या शोमध्ये प्रवेश केला आहे. खान यांनी हे बेबी, हाऊसफुल, हाऊसफुल २ सारखे चित्रपट दिग्दर्शित केले आहेत.
