रणबीर कपूरचा ‘ब्रह्मास्त्र’ हा चित्रपट सध्या बॉक्स ऑफिसवर जबरदस्त कमाई करत आहे. ९ सप्टेंबर रोजी प्रदर्शित झालेल्या या चित्रपटाने तीन दिवसांत १००हून अधिक व्यवसाय केला आहे. या चित्रपटाला मिळत असलेल्या उदंड प्रतिसादाने पुन्हा एकदा बॉलिवूडची मान उंचावली आहे. दुसरीकडे, सोमवारच्या कलेक्शनबद्दल बोलायचे झाल्यास, या दिवशीही चित्रपटाची पकड मजबूत होती. या चित्रपटाने आतापर्यंत १४१ कोटींहून अधिक कमाई केली आहे. चित्रपटाच्या प्रचंड कमाईच्या पार्श्वभूमीवर आज आपण जाणून घेणार आहोत या वर्षातील काही मोठ्या चित्रपटांच्या सोमवारच्या कलेक्शनबद्दल:
यश स्टारर KGF Chapter 2 हा या वर्षातील सर्वात मोठा चित्रपट आहे. या चित्रपटाने हिंदी भाषेत ४०० कोटींहून अधिकचा व्यवसाय केला होता. तसेच पहिल्या सोमवारी ५०.३५ कोटींचे कलेक्शन केले होते. सोमवारी सर्वाधिक कमाई करणाऱ्या चित्रपटांमध्ये KGF 2 पहिल्या क्रमांकावर आहे.
रणबीर कपूर स्टारर ब्रह्मास्त्रने आतापर्यंत २०० कोटींहून अधिक कमाई केली आहे, या यादीत तो तिसऱ्या क्रमांकावर आहे. चित्रपटाने चौथ्या दिवशी १६.८० कोटींचा व्यवसाय केला आहे. सोमवारी तसेच वीकेंडलादेखील या चित्रपटाने चांगली कमाई केली आहे.
विवेक अग्निहोत्रीची काश्मीर फाईल्स या यादीत चौथ्या क्रमांकावर आहे. ज्याने बॉक्स ऑफिसवर कमाईचे सर्व रेकॉर्ड तोडले. ३.५५ कोटींनी ओपनिंग केलेल्या या चित्रपटाने चौथ्या दिवशी म्हणजेच सोमवारी १५.०५ कोटींचे कलेक्शन केले.
उत्कृष्ट अभिनयानंतर कार्तिक आर्यनचा भूल भुलैया २ हा वर्षातील सर्वात यशस्वी चित्रपटांपैकी एक होता . या चित्रपटाने बॉक्स ऑफिसवर १८५ कोटींहून अधिकचा व्यवसाय केला. वीकेंडनंतर म्हणजेच सोमवारी या चित्रपटाने १०.७५ कोटींचा व्यवसाय केला.
