केंद्रीय अर्थमंत्री निर्मला सीतारमण या लोकसभेत आज (२३ जुलै) रोजी आर्थिक वर्ष २०२४-२५ साठीचा अतिरिक्त अर्थसंकल्प सादर करतील. मोदींच्या तिसऱ्या कार्यकाळात हा पहिलाच अर्थसंकल्प आहे. २०१४ साली पंतप्रधान नरेंद्र मोदी सत्तेवर आल्यापासून त्यांचा हा १३ वा अर्थसंकल्प आहे. तर अर्थमंत्री निर्मला सीतारमण या आज सातव्यांदा अर्थसंकल्प सादर करत आहेत. संसदेत अर्थसंकल्प सादर होतानाच आणखी एका गोष्टींकडे नेटकऱ्यांचं लक्ष वेधलं जातं ते म्हणजे केंद्रीय अर्थमंत्री निर्मला सीतारमण यांच्या साड्या. प्रत्येक बजेटच्या दिवशी त्यांच्या साडीची विशेष चर्चा होत असते. आतापर्यंत त्यांनी बजेट सादर करताना कोणकोणत्या साडया नेसल्या ते पाहुयात.
२०२३-२४ मध्ये त्यांनी अंतरिम अर्थसंकल्प सादर केला होता. तेव्हा त्यांनी निळा आणि क्रीम रंगाची टसर सिल्क साडी परिधान केली होती. त्यावर क्रीम रंगाचा ब्लाउज परिधान केला होता. त्यासाडीवर केलेली कलाकुसर ही हाताने केली होती. पश्चिम बंगालमधील स्थानिक पातळीवर वापरली जाणारी कलाकुसर हाताने या साडीवर करण्यात आली होती.
२०२१-२२ ला अर्थसंकल्प सादर करताना अर्थमंत्री निर्मला सीतारमण यांनी ब्राऊन (तपकिरी) रंगाची बोमकाई साडी नेसली होती. हा मातीचा रंग असल्याने त्याला सर्वसमावेशक व व्यापक मानले जाते.
