बॉलीवुड आणि टेलिव्हिजन इंडस्ट्रीमध्ये गाजणारी मराठमोळी अभिनेत्री म्हणजे अभिनेत्री अश्विनी काळसेकर (Ashwini Kalsekar) . जरी त्या चित्रपटांमध्ये मुख्य भूमिकेत दिसत नसल्या तरीही त्यांनी साकारलेल्या भूमिका आणि पात्र प्रेक्षक कधीही विसरू शकत नाही.
अभिनेत्री अश्विनी काळसेकर (Ashwini Kalsekar) यांनी गोलमाल (Golmaal ), भुलभूलैया (Bhool Bhulaiyaa) आणि लक्ष्मी (Lakshmi )अशा अनेक प्रसिद्ध बॉलीवूड चित्रपटांमध्ये काम केलं आहे. अश्विनच्या कामाची स्तुती हे प्रेक्षकच नाही तर बडे कलाकार देखील करत असतात.
अभिनेत्री अश्विनी काळसेकर (Ashwini Kalsekar) यांनी अभिनयात उशिरा पदार्पण केले , कारण सुरुवातीला त्या एअर हॉस्टेस म्हणून काम करत होत्या. नंतर त्यांनी कथ्थक शिकून नृत्याचे कार्यक्रम करण्यास सुरुवात केली. तसेच त्यांनी अभिनेत्री हेमा मालिनी यांच्याबरोबर कथ्थकचे सादरीकरण केले आहे.
अश्विनी काळसेकर (Ashwini Kalsekar) यांनी एका कार्यक्रमात असे सांगितले होते की त्या एअर होस्टेस असताना त्यांना शुक्रवारी सुट्टी मिळायची. त्यावेळेस त्यांची एक मैत्रीण त्यांना ऑडिशनला घेऊन गेली होती. आणि तिथे अश्विनी काळसेकर यांनी ‘शांती’ या मालिकेसाठी ऑडिशन दिले होते आणि त्या मालिकेसाठी त्यांची निवड सुद्धा झाली होती.
त्यानंतर त्यांची पुढे अनेक मालिकांमध्ये काम केलं. तसेच अश्वनी काळसेकर (Ashwini Kalsekar) यांनी नंतर ‘द हीरो: लव्ह स्टोरी ऑफ अ स्पाय’ या चित्रपटातून बॉलिवूडमध्ये पदार्पण केले. आणि नंतर त्यांनी बॉलीवूड चित्रपटांमध्ये देखील आपली कलाकृती सादर करण्यास सुरुवात केली.
