Maghi Ganesh Jayanti 2023 महाराष्ट्रात विविध ठिकाणी कशी साजरी केली जाते माघी गणेश जयंती
Team Timemaharashtra
Updated: Wed 25th January 2023, 04:51 PM
माघी गणेश जयंती हा सण महाराष्ट्रातील सर्वात महत्वाच्या सणांमध्ये मोडला जातो. आज माघी गणेश जयंती २५ जानेवारी रोजी माघी गणेश जयंती साजरी केली जाते, या दिवशी भगवान गणेशाचा जन्म झाला अशी धार्मिक मान्यता आहे. गणेश जयंतीला विनायक चतुर्थी, माघ महिन्यातील शुक्ल पक्षातील तिलकुंड चतुर्थी असेही म्हणतात. आज जगभरात माघी गणेश जयंती साजरी केली जाते.
गणेश जयंती निमित्ताने सिद्धिविनायकच्या मूर्तीवरील “सिंदूर लेपन” विधी मंदिर सजावट करण्यात आले आहे. आपल्या बाप्पाचे नवीन वर्षी पुन्हा स्वागत करण्यासाठी सिद्धिविनायक मॅण्टिरातून गणपती बापाची रथ यात्रा काढली जाते.
माघी गणेश निमित्ताने पुण्यातील दगडूशेट हलवाई गणपतीचा सोहळा सुवर्ण पाळण्यात पार पडणार आहे. या गणेश जयंतीनिमित्त मंदिरासह गाभाऱ्यात फुलांची सुंदर सजावट करण्यात आली आहे.
जयंती निमित्ताने मंदिरा भोवती फुलांनी तिरंग्याची सजावट केली आहे. मंदिराबाहेरही फुलांची आरास आहे. गणपतीचे दर्शन घेण्यास भाविकांची गर्दी दिसून येत आहे.
गणेश जयंतीनिमित्त सिंधुदुर्ग जिल्ह्यातील एका वाळूशिल्पकाराने समुद्र किनारी गणपती बाप्पाचे वाळूचे शिल्प उभारून बाप्पाची जयंती साजरी करून सर्वाना जयंतीच्या शुभेक्च्छ दिल्या आहेत. रविराज चिपकर असे त्या शिल्पकाराने नाव आहे.
अश्या प्रकारे साजरी केली जाते माघी गणेश जयंती, माघी गणेश जयंतीच्या सर्व गणेश भक्तांना हार्दिक शुभेक्च्छ
