Makar Sankranti 2023, मकर संक्रांतीच्या शुभमुहूर्तावर गंगा नदीच्या काठावर भाविकांची गर्दी
Team Timemaharashtra
Published on: Sat 14th January 2023, 03:30 PM
मकर संक्रांती हा सण हिंदू धर्मातील सर्वात महत्वाच्या सणांपैकी एक सण आहे. या सणाचे वेगळेच महत्व आहे. खगोल शास्त्रीय, ज्योतिषशास्त्रीय, अध्यात्मिक आणि सामाजिक दृष्टीकोनातून मकर संक्रांती या सणाचे महत्व खूप महत्त्व आहे. या दिवशी खास सर्व हिंदू धर्मीय हे आवर्जून गंगा नदीच्या काठी स्नानासाठी जातात.
आज सकाळ पासूनच गंगेच्या १५ घाटांवर पवित्र स्नान करण्यासाठी भाविकांची मोठ्याप्रमाणात गर्दी झाली होती. मकर संक्रांतीच्या मुहूर्तावर गंगा नदीत स्नान करावे, असे हिंदुधर्मात म्हटले आहे.
हिंदू धर्माच्या मान्यतेनुसार आजपासून सूर्य मकर राशीत प्रवेश करेल.
गंगा, यमुना आणि सरस्वतीच्या त्रिवेणी संगमासह देशभरातील प्रमुख गंगा घाटांवर सकाळपासूनच भाविकांचा ओघ सुरू आहे.
भाविकांनी शनिवारी संगमसह गंगेच्या विविध घाटांवर पवित्र स्नान करून मकर संक्रांतीच्या आगमनाची सुरुवात केली आहे.
यावेळी मकर संक्रांतीच्या दिवशी शनि आणि सूर्य एकत्र मकर राशीत प्रवेश करत आहेत. अशा प्रकारे शनिदेवाच्या दोषांपासून मुक्ती मिळवण्याचा प्रयत्न केला जाऊ शकतो.
