मराठमोळा गश्मीर महाजनी दिसणार एका नव्या ढंगात, रिम शेख आणि करण कुंद्रासोबत झळकणार ‘या’ नव्या मालिकेत
इश्क में घायाल या मालिकेत गष्मीर महाजनी अरमान या पात्राची भूमिका साकारणार आहे तर, त्याच्यासोबत रिम शेख आणि बिगबॉस फेम करण कुंद्रा इशा आणि वीर या मुख्य पात्रांच्या भूमिकेत दिसणार आहेत.
मराठी सिनेमा सृष्टीत ओळखले जाणारे जेष्ठ अभिनेते रवींद्र महाजनी यांचा मुलगा आणि अनेक मराठी सिनेमांमधून सिनेसृष्टीत आपला ठसा उमटवणारा एक नामवंत कलाकार म्हणजे गश्मीर महाजनी. त्याने आतापर्यंतदेऊळ बंध, कॅरी ऑन मराठा, कान्हा यांसारख्या अनेक चित्रपटनमधून प्रेक्षकांच्या मनावर अधिराज्य गाजवलय.
मराठी प्रमाणे हिंदी सिनेसृष्टीतही इमली, झलक दिख लाजा, सावी कि सवारी अशा मालिकांमध्ये काम करून नाव कमावळे आहे. तसेच त्याने डान्स महाराष्ट्र लिटिल मास्टर या मराठी कार्यक्रमात परीक्षकांची भूमिका निभावली होती.
मराठी चित्रपटांप्रमाणे तो हिंदी चित्रपटांमध्ये सुद्धा दिसून आला होता. पानिपत या चित्रपटामध्ये जनकोजी शिंदे यांची भूमिका त्याने बखुबी निभावली होती.
अलीकडेच सरसेनापती हंबीरराव या चित्रपटामध्ये छत्रपती शिवाजी महाराज आणि छत्रपती संभाजी महाराजांची भूमिका साकारल्यानंतर गश्मीर आता पुन्हा मालिकाविश्वाकडे वळला आहे आणि इश्क में घायल या हिंदी मालिकेतून तो लवकरच प्रेक्षकांच्या भेटीस येणार आहे.
इश्क में घायाल या मालिकेत गष्मीर महाजनी अरमान या पात्राची भूमिका साकारणार आहे तर, त्याच्यासोबत रिम शेख आणि बिगबॉस फेम करण कुंद्रा इशा आणि वीर या मुख्य पात्रांच्या भूमिकेत दिसणार आहेत.
नुकताच या मालिकेचा प्रोमो प्रेक्षकांच्या भेटीला आहे. त्यामध्ये इशा सुरवातीला अरमान (गश्मीर महाजनी) सोबत आणि त्या नंतर वीर(करण कुंद्रा)सोबत नाचताना दिसतेय. ज्यामुळे प्रेक्षकांना या मालिकेत वीर, इशा आणि अरमान यांच्यातील लव्ह ट्रँगल पाहता येणार आहे.
गष्मीर महाजनी याची हि नवीन मालिका १३ फेब्रुवारीला कलर्स या वाहिनीवर पाहता येणार आहे.
