मनसे अध्यक्ष राज ठाकरेंनी घेतले श्री सप्तश्रृंगी मातेचे दर्शन
Team Timemaharashtra
Published on: Sun 02nd October 2022, 06:08 PM
महाराष्ट्र नवनिर्माण सेनेचे अध्यक्ष राज ठाकरे दोन दिवसांच्या उत्तर महाराष्ट्र दौऱ्यावर आहेत. या दौऱ्यादरम्यान त्यांनी सप्तशृंगी मातेचे दर्शन घेतले आहे.
आज ( २ ऑक्टोबर ) राज ठाकरे त्यांच्या पत्नी शर्मिला ठाकरेंसह नाशिकमध्ये दाखल झाले.
त्यानंतर राज ठाकरेंनी पत्नी शर्मिला ठाकरे यांच्यासह वणी येथील आदिशक्ती सप्तश्रृंगीदेवीचे दर्शन घेतलं आहे.
आदिशक्ती सप्तश्रृंगीदेवीचे दर्शन घेताना राज ठाकरेंसह मनसेचे पदाधिकारीही तेथे उपस्थित होते.
राज ठाकरे यांनी नाशिकला येण्यापूर्वी शनिवारी शिर्डी येथे साईबाबांच्या समाधीचे देखील दर्शन घेतले होते.
