राष्ट्रपती द्रौपदी मुर्मू आणि मुख्यमंत्री अरविंद केजरीवालसह दिल्लीत ‘प्रभास’ करणार रावण दहन
Team Timemaharashtra
Published on: Wed 05th October 2022, 01:04 PM
दिग्दर्शक ओम राऊत दिग्दर्शित रामायणावर आधारित “आदिपुरुष” हा प्रतिष्ठित चित्रपट लवकरच प्रेक्षकांच्या भेटीस येणार आहे. या चित्रपटात पॅन इंडिया स्टार प्रभास, क्रिती सॅनन सैफ अली खान आणि सनी सिंग मुख्य भूमिकेत दिसणार आहेत.
भूषण कुमार आणि ओम राऊत हे प्रचंड बजेटसह टी सीरीज आणि रेट्रो फाइल्सच्या बॅनरखाली या चित्रपटाची निर्मिती करत आहेत.
नुकताच या चित्रपटाचा टीझर रिलीज सोहळा रामाची जन्मभूमी असलेल्या अयोध्येत शरयू नदीच्याकाठी पार पडला.
दिल्लीतील लाल किल्ला मैदानात होणाऱ्या रामलीला सोहळ्यात प्रभास राष्ट्रपती द्रौपदी मुर्मू आणि दिल्लीचे मुख्यमंत्री अरविंद केजरीवाल यांच्यासह प्रमुख पाहुणा म्हणून उपस्थित राहणार आहे.
कोरोनामुळे गेल्या दोन वर्षांपासून दसरा उत्सवावर मर्यादा आल्या आहेत. मात्र यंदा रामलीलाला उत्सवाला लोक मोठ्या संख्येने हजेरी लावणार आहेत. यावर्षी समित्या १९२४मध्ये सुरू झालेल्या रामलीलेची १०० वर्षे साजरी करत आहेत.
प्रभास स्टारर आदिपुरुष पुढील वर्षी रिलीज होणार आहे. ‘आदिपुरुष’ हा चित्रपट पुढच्या वर्षी १२ जानेवारीला संक्रांतीच्या मुहूर्तावर जगभरात मोठ्या प्रमाणावर प्रदर्शित होणार आहे. हा चित्रपट IMAX फॉरमॅटसह 3D मध्ये प्रदर्शित होणार आहे.
