Savitribai Phule Jayanti : सावित्रीबाई फुले यांनी महिलांच्या शिक्षणासाठी दिलेल्या अमूल्य योगदानाची माहिती घ्या जाणून
सावित्रीबाई या पहिल्या भारतीय महिला शिक्षिका आणि मुख्याध्यापिका होत्या. सावित्रीबाईंची जन्म ३ जानेवारी इ.स. १८३१ रोजी झाला. म्हणूनच दरवर्षी ३ जानेवारी हा दिवस संपूर्ण महाराष्ट्रात, बालिका दिन म्हणून साजरा केला जातो.
सावित्रीबाई ज्योतिबा फुले यांचा जन्म ३ जानेवारी, इ.स. १८३१ रोजी साताऱ्यातील नायगाव येथे झाला. सावित्रीबाई फुले यांना पहिल्या भारतीय महिला शिक्षिका म्हणून संपूर्ण जगभरात ओळखले जाते. सावित्रीबाई फुले या समाजसुधारक महात्मा ज्योतिबा फुले यांच्या पत्नी होत्या. तसेच सावित्री बाई फुले यांनी भारतातील महिलांना शिक्षणाचा अधिकार मिळवून देण्यासाठी खूप मोठे कार्य केले आहे.
सावित्रीबाई फुले आणि समाजसुधारक महात्मा ज्योतिबा फुले यांनी भारतातील लोकांचे आणि समाजाचे महिलांना शिक्षण देण्यासंबंधी प्रबोधन केलं आहे . तसेच महिलांना त्यांच्या अधिकारांची माहिती आणि जाणीव करून देण्यासाठी सावित्री बाई फुले यांच खूप मोठ योगदान आहे. म्हणूनच सावित्री बाई फुले यांना भारतीय स्त्रीवादाची जननी मानले जाते.
सावित्रीबाई फुले आणि पती ज्योतिबा या दांपत्याने पुणे येथील भिडेवाड्यात देशातील मुलींच्या शाळेची स्थापना केली. ही शाळा देशातील सुरुवातीला स्थापन झालेल्या शाळांपैकी एक आहे. या शाळेची स्थापना १८४८ मध्ये झाली झाली होती.
क्रांतिवीर सावित्रीबाई फुले आणि ज्योतिबा फुले यांनी स्त्रियांच्या शिक्षणासाठी दिलेल्या अमूल्य योगदानामुळे आज भारतात आपण सुशिक्षित स्त्रिया बघू शकतो आहोत. पण सुरुवातीच्या काळात सावित्रीबाई फुले आणि ज्योतिबा यांना समाजातील लोकांकडून खूप मोठ्या प्रमाणात त्रास देखील देण्यात आला होता. त्यांच्यावर चक्क शेण टाकण्यात आलं होत. कारण ते समाजाच्या प्रथेचा विरोध करत स्त्रियांना शिक्षण देत होते.
सावित्रीबाई या पहिल्या भारतीय महिला शिक्षिका आणि मुख्याध्यापिका होत्या. सावित्रीबाईंची जन्म ३ जानेवारी इ.स. १८३१ रोजी झाला. म्हणूनच दरवर्षी ३ जानेवारी हा दिवस संपूर्ण महाराष्ट्रात, बालिका दिन म्हणून साजरा केला जातो.
