Sayani Gupta Birthday: ‘ही’ आहेत बॉलीवूडविश्वात नाव कमावणाऱ्या सयानी गुप्ताने आतापर्यंत साकारलेली ५ उत्कृष्ट पात्र
Team Timemaharashtra
Published on: Sun 09th October 2022, 01:16 PM
सयानी गुप्ताचा आज वाढदिवस असून आजच्या दिवशी कोलकात्याची ही अभिनेत्री ३७ वर्षाची झाली. सयानी गुप्ता ही भारतीय चित्रपटसृष्टीतील एक प्रतिभावान अभिनेत्री आहे. अभिनय क्षेत्रातील तिच्या आतापर्यंतच्या कारकिर्दीत तिने चित्रपट आणि वेबसिरीजमधून अनेक भूमिका साकारल्या आहेत. तिने साकारलेल्या विविध भूमिकांच्या माध्यमातून वेळोवेळी तिने आपल्या चाहत्यांना भुरळ घातली आहे. त्यामुळे आज तिच्या वाढदिवसानिमित्त नजर टाकूया तिने आत्तापर्यंत साकारलेल्या काही मनोरंजक भूमिकांवर:
कलम १५: प्रसिद्ध दिग्दर्शक अनुभव सिन्हा यांच्या दिग्दर्शनात सयानीने गौराची भूमिका साकारली होती. या भूमिकेसाठी तिचे खूप कौतुक झाले होते.
‘मार्गरीटा विद ए स्ट्रॉ’: शोनाली बोस दिग्दर्शित, ‘मार्गरीटा विद ए स्ट्रॉ’चा प्रीमियर २०१४ टोरोंटो आंतरराष्ट्रीय चित्रपट महोत्सवात जगभरात झाला, ज्यामध्ये सयानीने खानमची भूमिका केली होती.
जॉली एलएलबी २: या कायदेशीर थ्रिलरमध्ये सयानी गुप्ताने हिना सिद्दीकीची भूमिका साकारली होती. ज्यात अक्षय कुमारने एका स्ट्रीट स्मार्ट वकिलाची भूमिका साकारली आहे.
पोशम पा: राष्ट्रीय पुरस्कार विजेत्या चित्रपट निर्मात्या सुमन मुखोपाध्याय दिग्दर्शित ‘पोशम पा’ या सायकॉलॉजिकल थ्रिलर चित्रपटात सयानीने रेघा साठेची भूमिका साकारली होती. जी एक स्किझोफ्रेनिक किलर होती.
४ मोअर शॉट्स: सयानीने Amazon Prime Video च्या ४ मोअर शॉट्स या प्रसिद्ध वेब सीरिजमध्ये दामिनी रिझवी रॉयची भूमिका साकारली होती. ही वेब सिरीज खूप गाजली होती.
