हिंदू दिनदर्शिकेनुसार शारदीय नवरात्र उत्सव दरवर्षी शरद ऋतूमध्ये अश्विन शुक्ल पक्षाच्या प्रतिपदेपासून सुरु होते. नवरात्रीचे विशेष महत्व आहे. यावर्षी शारदीय नवरात्री ३ ऑक्टोबरपासून सुरु होत आहे. नवरात्रीमध्ये नऊ दिवस भक्त दुर्गा देवीच्या विविध रूपांची पूजा करतात आणि देवीला प्रसन्न करण्यासाठी व्रत देखील करतात. असे मानले जाते की, दुर्गा देवीची नऊ दिवस भक्तिभावाने पूजा केल्याने ती आनंदी होते आणि भक्तांचे सर्व त्रास दूर होतात. नवरात्री दरम्यान नऊ दिवस उपवास आणि अर्चना करतात. नवरात्रीचे नऊ दिवस नऊ रंगाचे कपडे घालण्याचे विशेष महत्व आहे. हिरवा रंग हा निसर्गाचे प्रतीक आहे. हिरवा रंग स्वाभिमानाचा, सृजनशक्तीचा , सौभाग्याचा धारणाशक्तीचा, प्रकृतीचा निदर्शक आहे. सौभाग्याशी हिरव्या रंगाचं अतूट असं नातं आहे. खास नवरात्रोत्सवाच्या निमित्ताने हिरव्या रंगाच्या साडी आणि ड्रेसमधील काही अभिनेत्रींचे काही फोटो शेअर केले आहेत.
हे ही वाचा:
Shardiya Navratri 2024: यंदाच्या नवरात्रीनिमित्त बनवा खास उपवासाचा बटाटेवडा रेसिपी…
Shardiya Navratri 2024: नवरात्री का साजरी केली जाते? काय त्याचे महत्त्व? जाणून घ्या सविस्तर…