बॉलिवूड अभिनेत्री स्वरा सध्या तिच्या ‘जहां चार यार’ चित्रपटामुळे चर्चेत आहे. हा चित्रपट शुक्रवारी 16 सप्टेंबर रोजी रिलीज होणार आहे. स्वराशिवाय शिखा तस्लानिया, मेहर विज आणि पूजा चोप्रा या चित्रपटात दिसणार आहेत.
अभिनेत्री सोशल मीडियावर खूप सक्रिय असते. स्वरा तिच्या दमदार अभिनयासाठी तसेच तिच्या निर्दोष शैलीसाठी ओळखली जाते.
अलीकडेच, अभिनेत्रीने शाहरुख खान आणि आदित्य चोप्रावर त्यांचे प्रेम जीवन खराब केल्याचा आरोप केला आहे. अभिनेत्री स्वरा भास्करने अलीकडेच मिडडेला दिलेल्या मुलाखतीत तिच्या लव्ह लाईफबद्दल मोकळेपणाने सांगितले.
स्वरा म्हणाली की, माझे लव्ह लाईफ उद्ध्वस्त करण्यासाठी मी आदित्य चोप्रा सर आणि शाहरुख खानला दोषी ठरवते.
‘कारण मी फार कमी वयात ‘दिलवाले दुल्हनिया ले जायेंगे’ हा चित्रपट पाहिला होता. तेव्हापासून मी राजच्या प्रेमात पडले होते’.
त्यामुळे माझ्या खऱ्या आयुष्यातही मला माझा राज भेटेल या प्रतीक्षेत मी अनेक वर्षे घालवली. परंतु वय वाढत गेलं आणि लक्षात आलं की, खऱ्या आयुष्यात राजसारखा कुणीच नाहीय’. असं मजेशीर उत्तर देत स्वराने सर्वांचं लक्ष वेधलं आहे.
सोबतच अभिनेत्रीने असंही म्हटलं, ‘सिंगल राहणं फारच कठीण आहे. आणि जोडीदार शोधणं म्हणजे कचरा चाळण्यासारखं आहे’.
