Tata Mumbai Marathon, दोन वर्षांच्या विश्रांतीनंतर पुन्हा मुंबईकरांनी घेतली मोठी धाव
Team Timemaharashtra
Published on: Sun 15th January 2023, 04:00 PM
कोरोनाच्या महामारीमुळे गेली दोन वर्ष सर्वाना घरात बसून राहावे लागले. कोणालाही घराबाहेर पडण्याची परवानगी सुद्धा नव्हती. आणि याच कारणामुळे दोन वर्ष संपूर्ण जगभरतील सर्वच स्पर्धा रद्द झाल्या होत्या. दरवर्षी टाटा तर्फे मुंबईत मॅरेथॉन स्पर्धा आयोजित केली जाते.
२०१९ च्या कोरोनाच्या महामारीमुळे मुंबईत होणाऱ्या मॅरेथॉनच्या स्पर्धेचे दोन वर्ष आयोजन करता आले नाही. आणि तब्बल दोन वर्षांनंतर आज टाटा तर्फे मुंबईकरांसाठी मुंबई मॅरेथॉन स्पर्धेचे आयोजन करण्यात आले होते.
आजची टाटा मुंबई मॅरेथॉन या तब्बल दोन वर्षांनंतर आयोजित झालेल्या स्पर्धेसाठी मोठ्याप्रमाणात मुंबईकरांनी भाग घेतला होता . तसेच राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी देखील या स्पर्धेत हजेरी लावली होती.
टाटा मुंबई मॅरेथॉन स्पर्धेत मुंबईकरांसोबतच अनेक सेलिब्रिटींनीदेखील स्पर्धेत भाग घेतला होता.या स्पर्धेत भाग घेणाऱ्या खेळाडूंचे स्वागत ढोलताश्यांच्या गजरात करण्यात आले.
खेळाडूंनी स्पर्धेत वेळेवर पोहोचावे म्हणून स्पेशल ट्रेन आणि गाड्यांचेही आयोजन करण्यात आले होते . तसेच खेळाडूंना स्पर्धेदरम्यान काही दुखापत झाली तर विशेष वैद्यकीय सुदवीधा देखील ठेवण्यात आली होती. आणि मुंबई पोलीस आणि महापालिकेतर्फे टप्या टप्यांवर खेळाडूंना पाणी आणि खाण्याची सोय करण्यात आली होती.
